Popular Bible Verses from San Marcos 9

Share

Rimacpi Jesus nira, Imaraicuta can ushashaga nisha ningui. Quiric runaga tucuitami ushan.

Chita uyasha chi runa caparira, Quirinimi, ñuca quirishcata sinzhiyachipai, mas yuyaita cuhuai.

Chihuasha Jesus pai japishcagunandi huasima pactacpi paita pacalla tapunaura, Imangahuata ñucanchiga supaita llucshichinata mana usharanchi. Tapupi rimara, Chi tunu supaigunata sasishcahuan Diosta tapushcallahuanmi llucshichinata ushanguichi.

Cachi ali man randi chamuc tucucpi imamandata cuti alichinga. Ali cachishina aichi. Cangunapura cungailla causaichi nira.

Maican runaga ñucata llaquishcamanda cai huahuatashina llaquisha japishaga ñucatas japihuaunguimi. Pihuas ñucata japishaga ñucata cachac Diostahuas japingami nira.

Pihuas canguna ñuca Cristo nishca shutita quirisha catic ashcamanda cangunata shuc pillchi yacullahuas cucpiga ali pagashcacuinta tucunga, Yaya Dios sirtu paita alita cungami nira.

Huasha Jesus nira, Maican runahuas cai huahuatacuinta ñucata quiric runagunata pandachisha juchama apasha juchata rachicpiga paihua cungaibi shuc jatun rumita huataitucusha chaupi cuchaibi tucsinaupi chucacpi mas alichari anma. Pai sirtu mas ashca turmintachishca tucungami.

Camba maquiga canda juchama urmachinata callaricpi chi maquita piti. Ishcai maquiyuc ucupachama rina randimanda, jahuapachama pullu maqui yaicunaga mas ali anga. Ninaga chibi mana tucurinzhu. Camba chaquiga canda juchama urmachinata callaricpi chitas piti. Jahuapachama pullu chaqui yaicunaga mas ali anga ishcai chaquiyuc ucupachama rinamanda. Camba ñahui canda juchama urmachinata callaricpi chita llucshichi. Ishcai ñahuihuan ucupachama rina randimanda jahuapachama shuc ñahuillahuan rinaga mas ali anga.