Popular Bible Verses from San Marcos 2

Share

Jesús okinkakke iwan okinmilwij: ―In tlakaj katlej mach mokokoaj mach intech moneki tepajtij. Nej mach oniwalaj onikinnotzako katlej yolchipawakej, onikinnotzako katlej tlajtlakolejkej para ma moyolkuepakan inawak Dios.

Nijkuak Jesús okitak intlaneltokalis, ijkuakón okilwij in kokoxke: ―Nokone, nimitztlapojpolwia de nochi motlajtlakol.

Noijki in Jesús okinmilwij: ―Dios achtoj okinchij in tlakaj, iwan satepan okichij in weyi tonale para kinpalewis in tlakaj. Pero Dios mach okichij in weyi tonale para ma kinnawati in tlakaj.

Komo sa tekitl miekej tlakaj oyekaj, mach owelik okikalakijkej kalijtik. Ijkuakón in kale okikuatlapojkej iwan ik ompa okitemowijkej ika nochi itlapech.

Ijkín Nej nikchiwa para ijkón namejwan xikmatikan nik in Nej katlej onimochij nitlakatl, nikpia poder ixko yin tlaltikpak para nikintlapojpolwis in tlakaj de intlajtlakol. Ijkuakón okilwij in tlakatl katlej owijwilantik: ―Tej nimitzilwia, ximewa, xikajkokui motlapech iwan xiwia mokalijtik.

¿Katlij yen okachi mach owij nikilwis in kokoxke: “Nimitztlapojpolwia de nochi motlajtlakol”, o noso nikilwis: “Ximewa. Xikajkokui motlapech iwan xinejnemi”?

San niman in kokoxke omejke, okajkokke itlapech iwan oyáj. Nochtin katlej okitakej sa otlajtlachixkej (omomajmawtijkej) iwan okiweyikixtijkej in toTajtzin Dios, iwan okijtojkej: ―¡Mach semi otikitayaj yin tlamantle!