Popular Bible Verses from San Lucas 23

Share

Dá ni̱ kaa Jesús: ―Tatá, káꞌano koo ini ní sa̱ꞌá ña̱yuu yóꞌo, dá chi̱ ko̱ náꞌá taꞌon na ndí ki̱án kée na. Ta ni̱ sa̱dikí ra̱ suerte xíꞌín dáꞌo̱n ná, ná kande̱ꞌá ndá yoo kandeé niꞌi̱ iin rá iian.

Dá ni̱ kaa Jesús xíꞌín rá: ―Miía̱n ndaa̱ kuiti ná kaꞌi̱n xíꞌón ña̱ mií kuu̱ víti koo yoꞌó xíꞌín yuꞌu̱ noo̱ ndato téí náyeꞌe̱ ndaa ―kaá na̱.

Dá ni̱ kaa ra̱ xíꞌín Jesús: ―Ndiko̱ꞌon ini ní yuꞌu̱ tá ná kasaa̱ ní dándáki ní ñayuú yóꞌo.

Ta kúú ni̱ꞌi nda̱ꞌo ni̱ ka̱yuꞌú Jesús, ta kaá na̱: ―Tatá Ndios, noo̱ ndáꞌa̱ mií ní náki̱ꞌoi espírituí. Tá ni̱ ndiꞌi ni̱ kaꞌa̱n na̱ dión, dá ni̱ xiꞌi̱ na̱.

Dá tá ni̱ saa̱ ra̱ iin xíán noo̱ naní Calavera, dá ni̱ chi̱rkuei ñaá rá ndi̱ka cruz. Ta iin ta̱a kini ñoó tárkaa iin cruz xoo kuáꞌa Jesús, ta iin ka̱ ra̱ tárkaa iin cruz xoo íti na̱.

Tá ni̱ kasa̱ndaá ka̱xuu̱, dá ni̱ na̱kuíi̱n naá iin níí kúú ñayuú nda̱ ka̱ oni̱ sa̱ꞌini. Ta ni̱ ndaꞌo̱ ndi̱ndii, ta ni̱ ndata̱ dao dáꞌo̱n tárkaa ndadí ini veꞌe ño̱ꞌo káꞌano.

Tá ni̱ xini ta̱ dándáki soldado ña̱ ni̱ ndoꞌo na dión, dá ni̱ xi̱ꞌo ra ña̱ñóꞌó noo̱ Ndios, chi̱ kaá ra̱: ―Miía̱n ndaa̱ ndisa iin ta̱a ndaa̱ ni̱ sa̱ kuu na̱ yóꞌo.