Popular Bible Verses from Salmos 84

Share

Jëëhꜘ, DSAˉJØ̱Ø̱Hˈ jnänˋ hi̱ˉ chehꜗ nëˊ chooyꜙ jeˉ jnänˋ. Dio baˊ hi̱ˉ hnääyꜗ hiꜙ jmeeyꜙ jʉʉhˉ kihꜗ hi̱ˉ saꜙ maˉhlä̱ä̱hˉ kya̱a̱yhˊ. Läꜙjëꜙ heˉ chaˉ kihꜗ Dio, niꜙ miihˉ saꜙ wɨɨyꜘ kwëëyhꜗ hi̱ˉ gaꜙnääˊ jwëꜘ kiyhꜗ.

Kye̱e̱ꜘ gaˊ ko̱o̱ˉ jmɨɨˊ heˉ tøøhnˊ gwahꜙ kyahꜗ, läꜙko̱hꜘ gaˊ heˉ tøøhnˊ taꜙ jeeˊ jyohꜘ ko̱o̱ˉ mil jmɨɨˊ. Lluꜗ gaˊ kinꜙ heˉ ko̱o̱ˉ chehnꜗ høønꜙ hoˊhaahˊ gwahꜙ kihꜗ Dio, läꜙko̱hꜘ gaˊ heˉ gyanˊ tä̱ä̱ꜘ ko̱o̱ˉ chaˊnehꜙ jeeˊ chaˉ heˉ hlɨɨhˈ.

Lluꜗ laꜗ kihꜗ hi̱ˉ maˉtë̱ë̱ꜘ beꜘ kyahꜗ, lluꜗ laꜗ kihꜗ hi̱ˉ he̱e̱ꜘ dsëꜗ ngëꜗ jwëꜘ kyahꜗ.

Peerꜙ kuhˉngɨɨꜙ tuhˉdsënꜙ hiꜙ he̱e̱ꜘ dsëꜗ jmɨˉlleꜘ kinꜙ, nɨɨnˋ jeeˊ chihˈ gwahꜙ kihꜗ DSAˉJØ̱Ø̱Hˈ kya̱a̱nꜙ. Läꜙka̱a̱ˉ tuhˉdsënꜙ hänꜙ, kihꜗ heˉ jë̱ë̱ˉ dsënꜙ kyahꜗ hneˉ Dio ji̱i̱hꜙ.