Popular Bible Verses from Salmos 34

Share

Jä̱hꜙ baˊ chehˈ DSAˉJØ̱Ø̱Hˈ jnänˋ kihꜗ hi̱ˉ kuˈji̱i̱ꜙ tuhˉdsëꜗ. Lä̱ä̱y˜ hi̱ˉ moꜙsoꜙ chaˉ oˉjø̱hꜙ dsëˉ kihꜗ.

Gaꜙchu̱u̱nꜗ kya̱a̱hˊ Dio, gaꜙnuuꜘ bihꜗ kinꜙ. Hiꜙ gaꜙlä̱ä̱yꜗ jnäꜘ kihꜗ läꜙjëꜙ heˉ maˊ gohnꜙ.

Chaˉmiihˉ wɨɨꜘ dsaˉngëëꜘ hi̱ˉ llu̱u̱ꜗ, pero DSAˉJØ̱Ø̱Hˈ jnänˋ lä̱ä̱y˜ kihꜗ läꜙjëꜙ heˉ dsaˉngëëyꜘ ja̱ˉ.

Jëëˋ daˊ hnähꜘ haˉ läꜙ la̱a̱ꜗ DSAˉJØ̱Ø̱Hˈ jnänˋ mahꜗ läˉñehˊ hnähꜘ haˉ ko̱hꜘ jnaahˈ saꜙ la̱a̱yꜗ. Lluꜗ laꜗ kihꜗ hi̱ˉ kye̱ˉ oˉjø̱hꜙ dsëˉ kiyhꜗ.

Läꜙjë̱ë̱ꜙ hi̱ˉ maˉdsooꜘ dsëꜗ kiyhꜗ, jnääyꜘ jë̱ë̱ˉ dsëyꜗ. Ji̱hˊko̱hꜘ saꜙ jä̱yꜗ kya̱a̱hˊ oˉhihꜙ.

DSAˉJØ̱Ø̱Hˈ jnänˋ nuuˉ bihꜗ kihꜗ läꜙjë̱ë̱ꜙ hi̱ˉ llu̱u̱ꜗ maˊ chu̱u̱yꜘ kya̱a̱hˊ hiꜙ lä̱ä̱y˜ kihꜗ läꜙjëꜙ heˉ wɨɨꜘ heˉ cha̱a̱yˉ.

Ángel kya̱a̱hꜗ DSAˉJØ̱Ø̱Hˈ jnänˋ chehꜗ kooꜘ kihꜗ läꜙjë̱ë̱ꜙ hi̱ˉ ga̱yhꜙ, läꜙja̱ˉ lä̱ä̱y˜ kaˉlähꜘ.

Waˊ läꜙø̱ø̱hꜘ kihꜗ heˉ hlɨɨhˈ, mahꜗ jmeeˊ heˉ lluꜗ jmahꜗ baˊ. Hnøøhˈ haˉ läꜙ hɨɨꜗ tiiˊ hohꜘ, mahꜗ gohˈ baˊ hneˉ taꜙ chaˊnëˊ.

Heˉja̱ˉ høøˊ waˊhoohˊ mahꜗ saꜙ hyaꜙ heˉ hlɨɨhˈ. Läꜙja̱ˉ høøˊ waˊhoohˊ mahꜗ saꜙ yaˉhɨɨˈ juuˈ taˉjuuˈ.

DSAˉJØ̱Ø̱Hˈ jnänˋ hä̱ä̱˜ läꜙjë̱ë̱ꜙ hi̱ˉ jmeeꜙ heˉ lluꜗ, hiꜙ nuuˉ bihꜗ kiyhꜗ läꜙ maˊ chu̱u̱yꜘ kya̱a̱hˊ.

Jmeeˊ jʉʉhˉ kihꜗ Dio ko̱ˉjø̱hꜘ kya̱a̱hˊ jnäꜘ, waˊ jmeenˊ jʉʉhˉ kiyhꜗ.