Popular Bible Verses from Salmos 32

Share

Jmeenˋ läꜙngëëhꜘ, mahꜗ heehnꜚ hneˉ heeˉ jwëꜘ ka̱hˈ, hä̱ä̱nꜚ hneˉ mahꜗ kwëëhnꜚ hneˉ nʉʉhꜚ, jähꜘ Dio.

Hneˉ la̱a̱hꜗ hi̱ˉ hmää˜ jnäꜘ mahꜗ hä̱ä̱hˈ jnäꜘ maˊ jëën˜ heˉ wɨɨꜘ. Johꜘ ji̱i̱h˜ saꜙ gaꜙlä̱ä̱hˋ jnäꜘ heˉja̱ˉ hänˋ kyahˈ kya̱a̱hˊ chaˉmiihˉ su̱ꜚ.

Gaꜙmiꜙjnääˈ baˊ jnäꜘ dsoˊkyeˉ kinꜙ. Saꜙ gaꜙhmänꜗ heˉ hlɨɨhˈ heˉ maˊ jmeenꜙ. Gaꜙjwahnꜗ: “Miˊjnääꜗ baˊ jnäꜘ dsoˊkyeˉ kinꜙ kihꜗ DSAˉJØ̱Ø̱Hˈ kya̱a̱nꜙ.” Hiꜙ gaꜙchehꜗ baˊ hneˉ läꜙjëꜙ heˉ maˉhlä̱ä̱hnˉ kya̱a̱hˊ hneˉ.

Lluꜗ laꜗ kihꜗ hi̱ˉ maˉcheˋ dsoˊkyeˉ kihꜗ hiꜙ moꜙsoꜙ naˉbä̱ä̱hˋ gyihꜗ.

Lluꜗ laꜗ kihꜗ hi̱ˉ saꜙ taˉju̱u̱ˈ. Lluꜗ laꜗ kihꜗ hi̱ˉ jähꜘ DSAˉJØ̱Ø̱Hˈ jnänˋ kihˈ, moꜙsoꜙ naˉbä̱ä̱yhˋ niꜙ miihˉ.

Heˉja̱ˉ, läꜙjë̱ë̱ꜙ hi̱ˉ naˉjngëëˈ kya̱a̱hꜗ, chu̱u̱yꜘ kya̱a̱hˊ hneˉ, naꜗ läꜙchaˉ jmɨɨˊ. Mahꜗ saꜙ jäꜙ nëˊ kiyhˈ läꜙ maˊ chaˉ heˉ wɨɨꜘ.