Popular Bible Verses from Salmos 103

Share

Häˊ hneˉ jmɨˉlleꜘ kinꜙ kihꜗ DSAˉJØ̱Ø̱Hˈ jnänˋ, taꜙ waˊ gaaꜘ hohꜘ läꜙjëꜙ heˉ jʉhˉga̱a̱ˉ heˉ maˉjmeeyꜘ kyahꜗ.

Ja̱a̱ˉ hñiiꜘ bihꜗ liyhꜙ cheyꜗ läꜙjëꜙ dsoˊkyeˉ kyahꜗ. Ja̱a̱ˉ hñiiꜘ bihꜗ liyhꜙ jñuuyhꜗ läꜙjëꜙ lliꜘwɨɨꜘ heˉ gwaꜘ nëˊ kyahˈ. Ja̱a̱ˉ hñiiꜘ bihꜗ lä̱ä̱y˜ hneˉ kihꜗ chaˊjeˉ. Läˉñihꜘ dsëyꜗ hneˉ chaˉmiihˉ hiꜙ läꜙja̱ˉ hnääyꜗ hneˉ kaˉlähꜘ. Ja̱a̱ˉ hñiiꜘ bihꜗ kwëëyh˜ hneˉ läꜙjëꜙ heˉ llaˉkya̱a̱hꜗ, hiꜙ kwëëyhꜗ hneˉ beꜘ läˉhmëëꜘ läꜙko̱hꜘ jmeeyꜗ kihꜗ chaˊmɨɨˉ.

Häˊ hneˉ jmɨˉlleꜘ kinꜙ kihꜗ DSAˉJØ̱Ø̱Hˈ jnänˋ, läꜙka̱a̱ˉ tuhˉhohꜘ häˊ kihꜗ hi̱ˉ naˉjngëëˈ goˉte˜.

Läꜙko̱hꜘ dsaˉläˉñihꜘ dsëꜗ ja̱a̱ˉ tääˋ kihˈ jo̱o̱ꜘ, läꜙja̱ˉ dsaˉläˉñihꜘ dsëꜗ Dio kihꜗ läꜙjë̱ë̱ꜙ hi̱ˉ ga̱yhꜙ.

Läꜙko̱hꜘ ʉ̱ʉ̱ꜘ jeeˊ gwaꜘ hyooˉ hiꜙ läꜙ gaꜙtëꜘ jeeˊ dsaˉhmääˋ hyooˉ, ko̱o̱ˉ ja̱ˉ ji̱i̱hˈ ʉ̱ʉ̱ꜘ gaꜙbeyꜗ heˉ hlɨɨhˈ heˉ maˉjmeeˊ jneˊ.

Chaˉmiihˉ dsaˉläˉñihꜘ dsëꜗ DSAˉJØ̱Ø̱Hˈ jnänˋ hiꜙ jø̱hˉ dsëyꜗ kaˉlähꜘ. Saꜙ dsaˉläˉlle̱e̱yꜘ naꜗko̱hꜘ, haˉ ko̱hꜘ saꜙ hnääyꜗ jneˊ.

Saꜙ maˉheeyhꜗ jneˊ wɨɨꜘ läꜙko̱hꜘ lleˋ kihˈ heˉ hlɨɨhˈ heˉ jmeeˉ jneˊ. Hiꜙ niꜙ saꜙ maˉjmeeyhꜙ jneˊ läꜙko̱hꜘ lleˋ kihˈ dsoˊkyeˉ heˉ naˉbä̱ä̱hˋ jneˊ. Jëëhꜘ läꜙko̱hꜘ ñiiꜘ gyʉʉhˈ jmɨˉgyʉʉꜙ läꜙ gaꜙtëꜘ hwaꜗ laˉ, läꜙja̱ˉ jʉʉhˉ heˉ läˉñihꜘ dsëyꜗ kihꜗ läꜙjë̱ë̱ꜙ hi̱ˉ ga̱yhꜙ.

Gyʉʉhˈ jmɨˉgyʉʉꜙ baˊ laˈ jeeˊ gyaˈ DSAˉJØ̱Ø̱Hˈ jnänˋ jmeeꜙ hihꜙ. Läꜙka̱a̱ˉ läꜙjʉhꜗ baˊ jmeeyꜙ hihꜙ.