Popular Bible Verses from SAN MARCOS 16

Share

Ex chuncha ni Jesús va lakjunil: —Kꞌapꞌinchꞌipitikcha talakachux ni lakamunukpaꞌ, kꞌalaqpꞌutꞌeꞌenichipitikcha yu ox chivinti tachun ni lapanakni

Kaklaqxtaqniyaꞌ kintapꞌasta yu kintalhakapuꞌan para lay katamakal yu ay axtoqnuꞌ. La kintaqaꞌuti katamaxtuyaꞌ yu jantu lajꞌox espíritus, y katachivinanaꞌ laqsastꞌi lhichivin. Katachꞌapayaꞌ la ixmakakꞌan ni tsapulin y mas kataꞌotaꞌ yu lhinin, jantu tuꞌuchun kamakaniyaꞌ. Tejkan katalaqmaqchꞌapayaꞌ ni taqanꞌanin ex kataꞌayajnanchoqoyaꞌ.

Taꞌayuꞌ yu kalhakapuꞌanaꞌ yu ox chivinti y kaꞌaqchajꞌauyaꞌ, ni yucha kalaqtaxtuyacha. Pero yu jantu kalhakapuꞌanaꞌ, yucha kalaqaꞌiyaꞌ lhuu maqanlqajnati.

Ex yu ixtꞌaltanan va taꞌalcha laqputeꞌenin ixchivinti Dios tus talakachux. Yu Jalhachimoꞌonu Jesús ayaj ixlaqꞌaqtayjuy, por yu lajꞌay axtoqnu ixtamakay va chuncha tasul ni va laqsaval yu ixtalaqputeꞌey. Va chuncha kaval.]

Ex yu tsꞌal va lakjunil: —Jantu katꞌalhanantꞌik. Ni uxiknankꞌan lakxkꞌauyatꞌik ni Jesús yu machaqaꞌ Nazaret, yu taxtukmukꞌal laka kurus. Yucha takukchoqotacha, jantucha matiꞌ aniy. Kalaqtsꞌintꞌik aniy yu taꞌan ixtamaknuta, jantucha matiꞌ.

Ex taval tejkan tachaꞌal, talaqtsꞌil va ixmoqosunikantacha yu ay chiyux. Taval tatanuchal ni laka putaknun, talaqtsꞌil qayntaun tsꞌal va ixvil yu laka kanaj ni putaknun. Ixꞌulata ixlaqchꞌiti lman y va ayaj yaqaq. Ex chuncha yu xanatin va la tatalhanal.