Popular Bible Verses from Mateo 19

Share

Tsa mwii Jesús lo re zha ne nzhab Jesús: ―Lo re men yezlyu ree gagte, per lee lo Diox reta kuu tak.

Kona nagt raa zha chop zha, sinke taxal thibka zha nak zha rop zha. Kona ndoblot laa zha tsaal zha, tak Diox mtsaal rop zha.

Tsa lee Jesús mkab ne nzhab: ―¿Chu ter lab goo lo xkeets Diox, leettsa mdexkwaa Diox yezlyu, thibka mbyi ne thibka ngot mtsaal Diox? Ne noga nzhab Diox: “Kona lee mbyi ndoblo roo zhaa lo xut ne lo xnaa, tsa tseya mbyi kon ngot mbyi, ne lee rop zha gak taxal thibka zha”. [Gn. 2:24]

Per lee Jesús nzhab: ―Laa goo yaad re ndyeen bzhizh lon, ne towt goo lo re ndyeen, tak lee ta nabee Diox, nak chaan re zha kuu nadoo nak taxal re ndyeen bzhizh.

Kwaro re zha kuu nataak nal, re zhaʼa gak zha kuu nataagt, ne lee re zha kuu nataagt nal, re zhaʼa gak zha nataak.

Ne loka cho mlaa liz, wets, btan, xut, xnaa, tsaal, zhiinn, yu, par tsow rtsin na, kwaro kuu wen kayaa zha lo Diox ne kayaa zha yalnaban kuu thitanax.

Tsa nzhab Jesús lo zha: ―Os leeʼa nlaaza gaka thib zha nali, tyee ne btho reta kwaa napa ne btaay lo re zha prob, tsa kenoʼa naroob kwaa yibaa; tsaraa yaada ne tekeʼa ditsʼn.

Jesús mkab lo zha ne nzhab: ―¿Chebee zha wen niʼa lon? Tak neeka thib zha wen yent, beeta Diox wen nak. Per os leeʼa nlaaza kenoʼa yalnaban kuu thitanax, bin diiz re diiz kuu nataak kuu nabee Diox.

Tedib welt nin lo goo, mas nagant rid thib kamey yeer kuu le ngutlo abuj, nake tab thib zha rik yibaa ta nabee Diox.

Per lee na ni, loka cho mbyi kuu laa tsaal, ne nagte tak ngok rop ngot kon tedib mbyi, ne kaa mbyi tedib ngot, ndaa mbyi thib falt ro lo Diox, tak nzhak rop mbyi kon tedib ngot.

Tsa lee Jesús mne lo re nee kuu ngeteed lo Jesús: ―Wlipaa na nin, kwathoz nagan laa thib zha rik nabee Diox leettsoo zha.