Popular Bible Verses from Lucas 8

Share

Per lee nzob xtil kuu mla lo yu naal, nak taxal re zha kuu nzhon xkiiz Diox kon dib ndroo leettsoo, ne ntsow zha re kuu mbez xkiiz Diox, ne ney ndo zha lo xkiiz Diox, re zhaʼa ndaa kwathoz xle.

Lee nzob xtil kuu mla xid yits, nak taxal re zha kuu nzhon xkiiz Diox, per lutga lutga lee re xgab yezlyu ree, kuu nak xomod gak rik zha, ne re gust yezlyu ree ntsow gan lo zha, re kona nluux xkiiz Diox leettsoo zha, kona ndaat zha xle.

Lee nzob xtil kuu mla xid ke, ta yent naroob yu, nak taxal re zha kuu nzhon xkiiz Diox; ne kwathoz naley nzo leettsoo zha nkayaa zhay, per taxal ya kuu napt lozh nak zha, nyelaaz zhay lut, per leettsa nzin thib yalti lo zha, tsa nlaa zha Diox.

Tsa nzhab Jesús lo re zha kuu ngeteed lo Jesús: ―¿Chebee nzeb goo? ¿Ma kuu ni goo nyelaaz goo Diox? Per lee re zha kwathoz mzeb zha ne mzegey leettsoo zha, ne naabdiz zha lo altaa zha ne mbez zha: ―¿Cho nak zha ree, chebee nzhaak nabee zha lo mbi ne lo nitdoo ne nzhone diiz lo zha?

Lee nzob xtil kuu mla laaz net, nak taxal re zha kuu nzhon xkiiz Diox, per lee Maxuuy nyaad nkibe leettsoo zha, tsa yelaazt zha Diox ne tsowt zha gan yalnaban kuu thitanax.

Leeka tata, neeka thib kuu nzogaats gagt loote, ne neeka thib kuu xgaats gagt net re mene, retay tanabeey.

Tsa lee ngot myeen ngot ngogaa ngot, tsa mzhiit ngot ne mbig ngot ne mtobxub ngot lo Jesús. Ne tya lo re men nzhab ngot naa chebee mdiinn ngot xab Jesús, ne xomod oraaka mgwe ngot, tak mdiinn ngot xab Jesús. Tsa nzhab Jesús lo ngot: ―Rtsaapʼn, tak ngwalaaza Diox, kona mgweʼa. Wen bloo leettsooʼa ne tyee.

Tsa mloo re zha mkaal lo Jesús, ne nzhab zha lo Jesús: ―¡Maestr! ¡Maestr! ¡Mer lowgwaa! Tsa ngwache Jesús ne mkox mbi ne nitdoo lo Jesús, ne oraaka lee mbi ne nitdoo zheta ngok.