Popular Bible Verses from Efesios 6

Share

Ae ɨcuã ɨcuã ndiqui nande je Jesús rɨɨ̃ nae, mbia eã ño ũquɨ̃ nde. Satanás ño ũquɨ̃ nde. Satanás nimba abe no. Aba checuayã ɨcuã abe no. Mbae ɨcuã nderecua ja chõ ũquɨ̃ nde. Equirãcuã tuchɨ riqui ũquɨ̃.

Jeñee mbeɨ quiatu quia Dios je. Sã Espíritu Turã jembucheẽ turã mbeɨ quia ee. —Mbae embu seje. Ã embu seje, jenye beɨ quiatu quia Dios je. Dios quiato ja rɨɨ̃ ño jẽɨngo ñee Dios je. Dios siqui turã sacuã erese.

Sã soldado riqui armadura mingue no. Ũquɨ̃ ndeɨ nyiquisã sacuã ũquɨ̃. Eɨ̃ jenye sɨ chõ nguia siqui tuchɨ Dios rese nyiquisã Satanás sɨ.

Jẽɨngo tuchɨ Dios rese ũquɨ̃ ɨcuã sɨ nyiquisã sacuã. Jẽquirãcuã jẽɨngo tuchɨ sacuã. Jẽquirãcuã mbeɨ quia jẽɨngo, Satanás jembɨɨcuã eã sacuã.

Jẽquirãcuã tuchɨ chõ jẽɨngo. Sã soldado riqui ɨcoquiatu armadura mingue no. Eɨ̃ jenye sɨ chõ nguia ɨcoquiatu diablo jembɨɨcuã eã sacuã. Sã soldado riqui ngũmbi cuasa mingue no. Huɨɨsɨa rɨɨnda abe mingue nyiquisã sacuã no. Sã soldado riqui huiyao mingue ɨcoquiatu no. Sã escudo abe rerequia oo no. Nyiquisã sacuã emo uu mombo mose ee. Sã huiite sucha ãtã abe mingue uãquĩ ndiquisã sacuã no. Sã tiquise abe rerequia no. Soldado rã sɨ chõ jẽɨngo ɨcoquiatu nyiquisã sacuã diablo sɨ. Jeñee ñooño eã ño nguia. Jẽɨngo turã mbeɨ chõ nguia. Jẽɨngoquiatu beɨ quia Dios cheẽ turã nenei nenei mbia je. Dios jẽɨcua tuchɨ quiatu quia. Dios ɨcua tuchɨ mose ra diablo tã ɨ eã jẽje. Dios quirãcuã ndese quia jẽɨngo tuchɨ mbae ɨcuã naa eã sacuã. Dios cheẽ jẽɨcua tuchɨ quiatu quia. Ũquɨ̃ mose ra Espíritu Turã siqui tuchɨ jendese.

Jẽquirãcuã tuchɨ chõ jẽɨngo. Sã soldado riqui ɨcoquiatu armadura mingue no. Eɨ̃ jenye sɨ chõ nguia ɨcoquiatu diablo jembɨɨcuã eã sacuã. Sã soldado riqui ngũmbi cuasa mingue no. Huɨɨsɨa rɨɨnda abe mingue nyiquisã sacuã no. Sã soldado riqui huiyao mingue ɨcoquiatu no. Sã escudo abe rerequia oo no. Nyiquisã sacuã emo uu mombo mose ee. Sã huiite sucha ãtã abe mingue uãquĩ ndiquisã sacuã no. Sã tiquise abe rerequia no. Soldado rã sɨ chõ jẽɨngo ɨcoquiatu nyiquisã sacuã diablo sɨ. Jeñee ñooño eã ño nguia. Jẽɨngo turã mbeɨ chõ nguia. Jẽɨngoquiatu beɨ quia Dios cheẽ turã nenei nenei mbia je. Dios jẽɨcua tuchɨ quiatu quia. Dios ɨcua tuchɨ mose ra diablo tã ɨ eã jẽje. Dios quirãcuã ndese quia jẽɨngo tuchɨ mbae ɨcuã naa eã sacuã. Dios cheẽ jẽɨcua tuchɨ quiatu quia. Ũquɨ̃ mose ra Espíritu Turã siqui tuchɨ jendese.

Huɨ beɨ nonde ã tacheẽ jẽje. Dios quia rei equirãcuã tuchɨ. Dios quirãcuã je chõ jẽɨngo nguiã ñimbirãcuã.

à ngue Dios ñee cose ra: “Jẽɨngo turã ño nguia jẽsi je jẽ. Jendu je abe. Jẽɨngo turã mbeɨ ra equia ũquɨ̃ mose. Jendeco ra jẽɨngo arete íbii,” ɨ que Dios mbia je cose ra.

Mbia riirĩ, jendu cheẽ jemumbayã ño nguia. Jẽsi cheẽ abe.