Nii jana jetaote:
“Ananihasi, chanuna ishuujua cuhane enoha Moconajaerane rijitojoeein, Cana Coaunera Suujue rai nohanenaa jereei leruhin coriqui raain. Nihei chunei ichei, ‘Caa atane que necoreteeura’, naain ereein neita. Nitohaneein, eletoaera que necoretenaa lanaalate, icheineein niha satiin coriquine maajeein inatiin, leruhin raain nohaneeicha. Nii atane necoreteeine jaan, coatiha nejelau raineein nihein. Nii jaunte niqui, satiin, coriquine maajeein icheineein nera. Chanuna nitohanai ichana coacuhin ichaai. ‘Canacaanuhacha jecha coritaae’, naai jerihane niqui. Nete, Cana Coaunera notaracaae canacaanu coritae”, naa Ananihasi rai Fedorone jaun jetaote, cuu aonajeeorihane baiha, tocojoaain tacaain, inae cuu ohe Ananihasi. Nii coaraain jetaote, satiin nii coasichure banetojoelanaala nii ecu neein coarajeeurera cachaauru.