Popular Bible Verses from Marcos 10

Share

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

Ja cꞌa Jesús arjaꞌ xertzꞌelwachij in quewaꞌ xbij chique riꞌ: —Ja winak ni maquecowin wiꞌ xtiquecoj ta quiꞌ queyon chipan ja totajem xin Dios pro ja Dios arjaꞌ ncowini nerutoꞌ como ja Dios ni majun nak ta ja maquita ncowini nuban, neꞌ chique.

—Camic xattzuri, utz chic natbe, ja yukulbal acꞌuꞌx wqꞌuin jariꞌ xattzursani, neꞌxi. Chaka maril tok bitaj queriꞌ tre ni jariꞌ hora jaktaji ja rwach in treꞌel trij ja Jesús pa bey.

Ja Dios como arjaꞌ bano jun chique maxta cꞌo jun winak tijacho quixin. Queriꞌ bix chique rmal ja Jesús.

Ja cꞌa Jesús kas xtzꞌelwachij ja rachi in congana nrajoꞌ in quewaꞌ xbij tre riꞌ: —Pro cꞌa cꞌo na ja ma abanon ta. Camic jat, tacꞌayij can nojel ja cꞌol awqꞌuin, ja cꞌa rjil tayaꞌaꞌ can chique ja tak mebaꞌiꞌ. Ja wi queriꞌ naban jariꞌ cꞌoli ja mebaꞌil ja nyataj na chawe chilaꞌ chicaj. Ja tok xtibantaj amwal ja cꞌa xinbij chawe riꞌ catmelojto wqꞌuin in cattreꞌel chwij pro maxta tapokonaj natij rpokonal mwal caniꞌ nuban jun achi rijkan jun cruz, neꞌ tre.

Ja cꞌa tok xekaj ruqꞌuin quewaꞌ bix tre riꞌ: —¿Nak nawajoꞌ chwe chi nban chawe? neꞌxi rmal ja Jesús. —Wajaw, ja nwajoꞌ chawe chi njaktaj ta ja nwach, neꞌe ja ti moy. Cꞌacꞌariꞌ bix tre rmal ja Jesús

Pro ja chewe ixix mta moda ja queriꞌ ta xteban. Ja cꞌa neban, xa nak ta chewe ja cꞌo rgana chi noc nim rukꞌij checojol rjawaxic chi noc jun ilinel ewxin.

Anin ni katzij wiꞌ ja xtinbij chewe riꞌ, xa nak ta ja matuban tinoꞌy chi rnimaxic ja gobierno xin Dios ja caniꞌ nuban jun acꞌal jariꞌ nixtacꞌa xtoc ta chipan ja gobierno xin Dios, neꞌe ja Jesús chique.

Xarwariꞌ e qꞌuiy ja winak ja recꞌamol tak bey nabey pro xa xquecanaj can pa rqꞌuisbal in ja re tak qꞌuisbal ejeꞌeꞌ necꞌamo chic bey. Queriꞌ xbij ja Jesús chique.

Pro ja quibanic ja winak ja tok kas xewinakarsaxi nabey, ja Dios arjaꞌ winakarsan quixin, achi in ixok xerwinakarsaj in quewaꞌ xbij riꞌ: —Rmalcꞌariꞌ ja rachi neruyaꞌ can ja rtataꞌ ruteꞌ, nquexim quiꞌ ruqꞌuin ja rxjayil in xa jun cuerpo nqueban chi e caꞌiꞌ, neꞌe. Queriꞌ cꞌa rbanic, ma e caꞌiꞌ chi ta, xa jun cuerpo quibanon.