Popular Bible Verses from Marcos 1

Share

Ja cꞌa chi rcab kꞌij cꞌa rcꞌulun na, cꞌa kꞌekuꞌm na ja tok yictajel ja Jesús xelel chipan ja tinamit, be chipan jun lugar ja bar kas talan wiꞌ chi nerbanaꞌ oración.

Quewaꞌ nbij riꞌ: —Camic xurtzꞌakati ja tiempo, ja gobierno xin Dios xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal, tenimaj ja utzlaj tzij ja rcꞌamonto ja totajem xin Dios, neꞌe.

Chaka maril xelto ja Jesús pa yaꞌ xutzꞌat ja caj jaktaji in xutzꞌat ja rEspíritu Santo caniꞌ jun ajsakaxicꞌ ja tok kajto ruqꞌuin. In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Atat ja rat chakꞌlaj Walcꞌwal, congana ninquicot chawij, neꞌe ja Dios tre ja Jesús.

Anin yaꞌ xincoj tok xixnuban bautizar pro arjaꞌ Espíritu Santo nixrbanbej bautizar, neꞌ chique.

in quewaꞌ bix chique rmal riꞌ: —Joꞌ quixtreꞌ chwij, anin nyaꞌ na jun samaj chewe pro ma chapoj chꞌuꞌ chi ta ja neban, winak chic ja neꞌecanoj, xecheꞌxi. Ja cꞌa rejeꞌeꞌ quichꞌakilaꞌ can ja quecꞌam in xetreꞌel trij ja Jesús.

Ja cꞌa winak kas cꞌascꞌoꞌi nquicꞌaxaj ja tijonem nuyaꞌ como ja tijonem nuyaꞌ chique congana nerusil, bien kꞌalaj chi ruqꞌuin Dios penak wiꞌ ja nbij, ma junan ta ruqꞌuin ja tijonem ja nqueyaꞌ ja maestro ja netijon quixin ja winak tre ja ley xin Dios ja tzꞌibtal can rmal ja Moisés.