Popular Bible Verses from Mateo 15

Share

Pro ja nelto pan achiꞌ jariꞌ pan awanma nwinakarto wiꞌ in jariꞌ ntzꞌilorsan rxin ja rawanma. Queriꞌ nbij chewe como pan awanma nwinakarto wiꞌ ja ritzel tak naꞌoj caniꞌ tre banoj camíc, caniꞌ tre tok cꞌo jun natoc ruqꞌuin ja wi ma awixjayil ta owi ma awachajil ta, caniꞌ tre banoj alakꞌ, caniꞌ tre ja nayaꞌ testigoꞌil ja ma katzij ta in caniꞌ tre ja tok nabij juleꞌ tzij tre ja Dios ja xa ofensa rcꞌamonto tre.

Ma ja ta ja noc pan achiꞌ ja ntzꞌilorsani ja rawanma pro ja ntzꞌilorsan rxin jariꞌ ja nelto pan achiꞌ, neꞌ chique.

—Jawaꞌ winak riꞌ xa chi quechiꞌ cꞌo wiꞌ tok nqueyaꞌ nukꞌij, ja canma cꞌa cꞌa nat cꞌo wiꞌ chwe. Ni majun noc wiꞌ ja tok nqueyaꞌ nukꞌij, ja tijonem nqueyaꞌ rtzobal Dios necheꞌ tre, pro xa mandamiento quixin winak. Queriꞌ ja binto chewe rmal ja rIsaías, neꞌe ja Jesús chique.

In bix chic jutij tre rmal ja Jesús: —Ixok, congana takaꞌan nim ja yukulbal acꞌuꞌx wqꞌuin. Camic ntzuri ja rawal ja caniꞌ xacꞌutuj chwe, neꞌxi rmal, in ni jariꞌ hora tzuri ja ral.

Pro peti ja rixok, xuqueꞌ chwach in xbij tre: —Wajaw, quinatoꞌoꞌ, neꞌ tre. Ja cꞌa Jesús quewaꞌ xbij tre ja ncꞌambajbej rxin: —Ma rubey ta xticꞌam ta queway ja ralcꞌwalaxelaꞌ in xtiqꞌuiakel ta chiquewach tak tzꞌiꞌ, neꞌ tre. Ja cꞌa rixok xbij chic jutij tre: —Wajaw, ni katzij wiꞌ ja nabij pro ja tak tzꞌiꞌ ejeꞌeꞌ nya̱ꞌ lugar chique cumal ja cajaw chi nquetij ja rcꞌutal tak way ja ntzakel xeꞌ mesa, neꞌ tre.