Popular Bible Verses from Lucas 6

Share

Tesipaj chique ja winak ja ncꞌatzin chique. Ja wi nesipaj chique jariꞌ nya̱ꞌ rjil rcꞌaxel chewe. Pro ja rjil rcꞌaxel ja xtiyaꞌ chewe queriꞌ rbanic ja caniꞌ nuban jun cꞌayinel ja tzꞌakat npajoni, bien nuyic, bien nupitzꞌ, congana npulsaj chi utz ja rpajbal. Queriꞌ nbij chewe como ja wi qꞌuiy ja nesipaj jariꞌ qꞌuiy ja necochij ixix tre ja Dios owi xa ma qꞌuiy ta ja nesipaj jariꞌ xa ma qꞌuiy ta ja necochij ixix tre chakajaꞌ. Queriꞌ xbij ja Jesús chique.

Jun utzlaj achi utzil ja rcꞌolon pa ranma in tok ntzijoni utzil rcꞌamonto ja nbij. Jun itzel achi xa itzelal ja rcꞌolon pa ranma in tok ntzijoni xa itzelal rcꞌamonto ja nbij. Queriꞌ nbij chewe como ja nojnak pa ranma jun winak jariꞌ nelto pa ruchiꞌ.

Pro ja cꞌa rixix queꞌewajoꞌ ja recꞌulel, tebanaꞌ ja rutzil, teyaꞌaꞌ kajonem pro maxta quixoclaꞌ il tre ja rcꞌaxel. Ja wi queriꞌ neban jariꞌ cꞌo jun nimlaj rtojbalil nyataj na chewe in triꞌ nixkꞌalajin wiꞌ chi ix ralcꞌwal ja nimlaj Dios como ja Dios arjaꞌ nuban utzil chique ja winak masqui ejeꞌeꞌ ni matiquimaltioxij wiꞌ tre, masqui xa e itzel tak winak.

Ja caniꞌ nuban ja Dios ja retataꞌ arjaꞌ congana npokonaj quewach ja winak queriꞌ ta cꞌa neban ixix, tepokonaj quewach chakajaꞌ.

Maxta quixoc ix caniꞌ kꞌetol tak tzij chiquij ja winak utzcꞌa chi ja Dios matukꞌet tzij chewij ixix chakajaꞌ. Maxta tecꞌutuj chiquij ja winak chi nquetoj na ja il mac ja nqueban utzcꞌa chi ja Dios matibij chewe chi netoj na ja il mac ja neban ixix. Queꞌecuyuꞌ ja winak. Ja wi neꞌacuy ja cꞌa Dios arjaꞌ nixrucuy ixix chakajaꞌ.

Pro ja rixix ja nixtajini neyaꞌ ewxquin chwe camic quewaꞌ nbij chewe riꞌ, queꞌewajoꞌ ja recꞌulel, ja tok ecꞌoli ja xa itzel nixquetzꞌat ja cꞌa rixix solo utzil tebanaꞌ chique, ja tok ecꞌoli nebin itzel tak tzij chewe ja cꞌa rixix solo utzlaj tak tzij tebij chique, ja tok ecꞌoli nixtzꞌujuwi nixyokꞌowi ja cꞌa rixix tebanaꞌ orar pa quicuenta.

In jun chic, xa nak ta neyarij chique winak chi nqueban chewe queriꞌ cꞌa tebanaꞌ ixix chique chakajaꞌ.

Ja wi cꞌo jun xuyaꞌ jun kꞌaꞌ xewey teyaꞌaꞌ lugar tre chi nuyaꞌ chic jun chajuparaj. In wi cꞌo chic jun xumaj chewe ja recamisa ja neban, teyaꞌaꞌ echaqueta tre chakajaꞌ. Ja wi cꞌo jun cꞌoli xcꞌutuj chewe teyaꞌaꞌ tre in wi na cꞌo jun cꞌoli ja xucꞌamel chewe ma techꞌojij ta tre.

Queriꞌ nbij chewe como mta jun utzlaj cheꞌ xtuyaꞌ ta itzel rwach nixtacꞌa ja ritzel cheꞌ xtuyaꞌ ta rwach utz.

Como ja cheꞌ chijujunal rumac ja rwach nuyaꞌ chewiꞌ tok notakixi nak chi cheꞌal. Ta cꞌa ja qꞌuix mta moda xtiwachij ta higo nixtacꞌa rxulquiej xtiwachij ta uva.