Popular Bible Verses from Lucas 18

Share

Cꞌacꞌariꞌ cꞌo jun cꞌambal tzij xbij chique ja ncꞌutbej chiquewach chi cꞌo rjawaxic chique chi ni matiquitanbaꞌ wiꞌ rbanic ja roración, rjawaxic chi maticapuj quecꞌuꞌx.

Pior cꞌa ja Dios ¿la maquerutoꞌ cꞌariꞌ ja tinamit ja rerchaꞌon ja netajini nquicꞌutuj quitoꞌic tre chi pa kꞌij chi chakꞌaꞌ? ¿La nuyaꞌ tiempo tre ja quitoꞌic? Anin nbij chewe chi nerutoꞌ chanim. Pro ja Ralcꞌwalaxel ja xoc alaxic cuqꞌuin ja winak, ja tok xtipi chic jutij waweꞌ chwachꞌulew ¿la cꞌa ecꞌo na cꞌa winak triꞌ ja cꞌo yukulbal quecꞌuꞌx ruqꞌuin? Queriꞌ xbij ja Jesús chique ja rdiscípulo.

Ja cꞌa Jesús xbij chique: —Cꞌo jeꞌe ja cꞌayew rbanic chiquewach ja winak pro ja chwach Dios ma cꞌayew ta, neꞌ chique.

Ja cꞌa juez cꞌo jun tiempo ja ni ma xutoꞌ ta wiꞌ ja ti malcaꞌn pro ja tok qꞌuiswani quewaꞌ xbij kaj pa ranma riꞌ: —Masqui matinxbej wiꞌ chwach ja Dios in nixtacꞌa nxbej ta wiꞌ chiquewach winak chakajaꞌ pro como ni matel wiꞌ wqꞌuin alaꞌ jun ixok leꞌ mejor ntoꞌ na pa rukꞌaꞌ ja nbano chꞌaꞌoj ruqꞌuin. Ja cꞌa wi matintoꞌ maxla ni maquinruyaꞌ can wiꞌ in xa nocꞌo nucꞌuꞌx pa rukꞌaꞌ, neꞌ kaj ja juez. Queriꞌ nbij ja cꞌambal tzij.

Anin ni katzij wiꞌ ja xtinbij chewe riꞌ, xa nak ta ja matuban tinoꞌy chi rnimaxic ja gobierno xin Dios ja caniꞌ nuban jun acꞌal jariꞌ nixtacꞌa xtoc ta chipan ja gobierno xin Dios, neꞌe.

Ja cꞌa Jesús arjaꞌ xerucꞌul ja tak yaquiꞌaꞌ, quewaꞌ xbij riꞌ: —Teyaꞌaꞌ lugar chique ja tak acꞌalaꞌ quepi na wqꞌuin, maxta ma teyaꞌ ta lugar chique como ja winak ja reꞌocnak e caniꞌ tak acꞌalaꞌ quixin cꞌa ejeꞌeꞌ ariꞌ ja gobierno xin Dios.

—Camic catcaꞌyi. Ja yukulbal acꞌuꞌx wqꞌuin jariꞌ xattzursani, neꞌe ja Jesús tre.

—¿Nak tre tok nabij chwe chi in utzlaj achi? Xa jun ja utz, jariꞌ Dios.