Popular Bible Verses from Juan 19

Share

Ja cꞌa tok titaj rmal quewaꞌ xbij riꞌ: —Camic xinqꞌuis rbanic ja nsamaj nojelal, neꞌe. Cꞌacꞌariꞌ kꞌochkꞌoꞌ kaj ja rwiꞌ, xujach ja ranma pa rukꞌaꞌ ja Dios in cam kaj.

Ja Jesús arjaꞌ rotak chi tzurnak chic rmal nojelal ja samaj ja yatajnak tre chi nurbanaꞌ cꞌacꞌariꞌ xbij: —Chakichiꞌ nnaꞌ, neꞌe. Ja tok xbij awaꞌ tzij riꞌ triꞌ bantaj wiꞌ cumplir ja tzꞌibtal can ojer chipan ja rtzobal Dios.

Ja Jesús xutzꞌat ja ruteꞌ in cꞌoli ja discípulo xutzꞌat chakajaꞌ ja congana nrajoꞌ. Ja cꞌa tok xutzꞌat chi ecꞌo chirnakaj quewaꞌ xbij tre ja ruteꞌ riꞌ: —Jalaꞌ jun ndiscípulo leꞌ jalaꞌ noc chic awal, neꞌ tre. Cꞌacꞌariꞌ xbij tre ja rdiscípulo: —Ja nuteꞌ leꞌ jalaꞌ noc chic ateꞌ atat, neꞌ tre. Ja cꞌa discípulo tok meloji xucꞌamel ja ruteꞌ ja Jesús in xucꞌul chijutij pa rochoch.

Pro ja tok quetzꞌat ja Jesús chi camnak chic ma xquekꞌip chi ta ja rkan. Pro cꞌo jun chique ja soldado, arjaꞌ xumin jun lanza pa rupox ja Jesús in chanim xelto juleꞌ quicꞌ rachbil yaꞌ.

Queriꞌ bantaji como ni rjawaxic wiꞌ chi bantaj cumplir ja tzꞌibtal can tre ja Cristo chipan ja rtzobal Dios ojer como quewaꞌ nbij riꞌ: —Ni majun rbakil xtikꞌip ta, neꞌe. In jun chic ja tzꞌibtal can tre quewaꞌ nbij riꞌ: —Ejeꞌeꞌ nquetzꞌat na rwach ja cꞌo jun chꞌichꞌ min pa rupox cumal, neꞌe.

Queriꞌ xuban ja Jesús, be. Cꞌo jun cruz rijkajel, be chipan jun lugar rbinaꞌan Rwiꞌcamnak. Ja cꞌa chipan ja tzobal hebreo Gólgota neꞌxi ja lugar.

Ja cꞌa soldado cꞌo jun corona quichomarsaj, qꞌuix quecoj. Ja tok chomarstaj cumal quecoj pa rwiꞌ ja Jesús. In cꞌo jun tziak morada quecoj tre.