Popular Bible Verses from Hechos 7

Share

Cʉ̃́ã déesĩãrã tiirí, cʉ̃ʉ̃pe Cõãmacʉ̃rẽ sãĩyígʉ: —Jesús yʉʉ Õpʉ̃, yʉʉ yeeripũnarẽ ñeeña, jĩĩyigʉ. Ñicãcoberimena jeacũmujea, bayiró acaribíremena jĩĩyigʉ sũcã: —Õpʉ̃, acabóya ãniãrẽ ate cʉ̃́ã ñañaré tiirére, jĩĩyigʉ. Tee jĩĩtoa, diajõãyigʉ sáa.

Yʉʉ boorí, ʉ̃mʉã́se yʉʉ duirípĩrõ tiiróbiro niiãdacu; atiditapʉ́ yée dʉpori yeerisãgʉ̃dacu. Teero tiirá, yáa wii niiãdari wiire tiimasĩ́ria mʉ́ã. Yʉʉ yeerisããdaro tiimasĩ́ria.

Cʉ̃ʉ̃ tee jĩĩrĩ tʉorá, bayiró acaribí, tʉodʉgáhera cʉ̃́ãye cãmopéri paabiáyira. Cʉ̃ʉ̃ pʉto sĩcãrõména cʉtʉjeá, cʉ̃ʉ̃rẽ ñee, tiimacã wesapʉ cõãjãyira. Cʉ̃́ãye suti sotoá sãñarére tuuwé, ticoyira sĩcʉ̃ mamʉrẽ cotedutira. Cʉ̃ʉ̃ wãmecʉtiyigʉ Saulo. Ticotoa, Estebanrẽ ʉ̃tãperimena déesĩãyira.