Popular Bible Verses from Hechos 16

Share

Cʉ̃́ã yʉʉyira: —Mʉʉ ʉ̃sã Õpʉ̃ Jesuré padeogʉ́, netõnénogʉ̃dacu. Mʉʉya wii macãrãcã padeorá, netõnénoãdacua, jĩĩyira.

Ñami deco Pablo, Silas Cõãmacʉ̃rẽ sãĩ, basapeoyira. Ãpẽrã́ peresu niirã́ cʉ̃́ã basari tʉoyíra. Wãcũña manirṍ dita bayiró cãmeñayiro. Cʉ̃́ã niirí wii maquẽ botarí cãmeñayiro. Máata tiiwií biare sopepãmarĩ pã́õpetijõãyiro. Niipetira peresuwiipʉ niirã́rẽ cõmedárimena siatúarigue jõãpetíjõãyiro.

Too síro wʉ̃mʉnʉcã, cʉ̃́ãrẽ néewitiwa, sãĩñáyigʉ: —¿Deero tiibógari yʉʉ, Cõãmacʉ̃ yʉʉre netõnéãrõ jĩĩgʉ̃?

Tiiwií coterí basocʉ wãcã, tee pã́õãrigue soperire ĩña, “dutipetíjõããya” jĩĩ wãcũmiyigʉ. Teero tiigʉ́, cuigʉ, cʉ̃ʉ̃ basiro espada née, sĩãgʉ̃́dʉ tiimíyigʉ. Pablope cʉ̃ʉ̃rẽ bayiró wedeseremena jĩĩyigʉ: —Mʉʉ basiro ñañarõ tiiríjãña. Ʉ̃sã ãnopʉ́ niipetijãã, jĩĩyigʉ.