Popular Bible Verses from Zenezi 7

Share

Tawamhã Uburé Danhib'apito te Nowéhé ma tinha ãne: — Te za oto uba're wa aimro me, ai'ra si'aibâ norĩ me duré asani aba norĩ me uburé asisisi 'wa. E marĩ wa. Aiwétési te i'uwaibaba na si 're aimo, ti'ai ãma asiré 're ihâimana za'ra mono norĩ upana.

Tawamhã 150 na bâdâ i'â pusi mono na ãma si'utõrĩ parip si, ma tô apâ i'â nhi'ré mono na hã ãma sãna'rata.

Tô taha wamhã, 600 na Nowéhé ãma iwahubzéb ãma, dia 17 maparane a'amoi ãma ma tô ti'ai hawi ub're hã pu'u mono. Duré hâimo â 're ihâimana mono ma, ma tô hâiwa hã tãma si'ridawa, we sisa'wari da hã.

Nowéhé siré uba're wa, ihâimana za'ra norĩ si, si'utõrĩ õ di. Uba're wa, isiré ihâimana za'ra õ norĩ si ma tô ai'utõ, a'uwẽ norĩ hã, abaze da te 're itébré za'ra norĩ hã, rom na 're ihâimana za'ra mono norĩ hã, di'i na 're inomro mono norĩ hã, duré si norĩ hã.

Tawamhã ma tô tã hã ti'ai u tita'a, 40 bâtâ 're, duré 40 mara na.