Popular Bible Verses from Zenezi 37

Share

Tawamhã nimahã bâtâ na ma tô Zuzé hã rosawẽ. Ta hã ma tô tisisãnawã norĩ ma tãma wasu'u za'ra. Ãhã wa, ma tô oto sima 'ruiwazere pese za'ra

Zaco hã hâiba prédum nherẽ, ma tô Zuzé hã podo. Tahawa uburé ti'ra norĩ nhipai u ma tô te te 're sawi pese. Te te 're sawi pese mono wa, ma tô i'uzazé ihâpa ipano pa na hã sada 'ma'manha.

Tawamhã Zuzéhé si, imama isipai u za'ra te te 're isawi pese mono na, ma tô isisãnawã norĩ hã ãma siwi waihu'u. Tahawa te tino hã te te siwi 're 'ru 'manharĩ. Te duré timreme tete na si te te tãma 're nharĩ za'ra.

Tawamhã ma tô duré rosawẽ, Zuzé hã. Tahawa, ma tô duré taha zama tãma wasu'u za'ra, tisisãnawã norĩ ma. Ãne te tãma wasu'u za'ra: — Wa duré rosawẽ ãne. Bâtâ norĩ hã a'amoi me, duré wasi 11 na ihâiba za'ra norĩ me, ma tô ĩma aiwẽ'ẽ za'ra, tãma ĩpire za'ra zarina.

Tawamhã isisãnawã norĩ te duré siwi 'ruiwapa, tino hã. Tane nherẽ, te imama si taré ãma rosa'rata u'âsi, ti'ra nhimirosawẽrẽ na hã.

ãne te te tãma nharĩ za'ra wa, ino uptabi za'ra nherẽ, tidub'rata norĩ ma: — Ma'ãpé ĩwapari za'ra wa'aba, te irosawẽrẽzé, za te aima iwasu'u za'ra wa'aba zém na hã. Ĩnhotõ 'rowimhã wa tô roptehutu na daburu ãma trigu teihi hã wasisi za'ra ni wasiré. Tawamhã te iwasi, ma tô uihâ na wahudu, sab da hâiwi. Tawamhã te iwasisi mana wawi te asimiwasisi za'ra wa'wa hã aimasa. Ãhã wa, te iwasisi ma, ma tô asimiwasisi za'ra wa'wa hã tãma aiwẽ'ẽ za'ra, tãma ipire za'ra zarina.

Oto wa te wasiwi wĩrĩ aba. Taha parimhã ihâiba, â zô ab're i'ré 're, wa za wasiwi me ni. Duré abaze zahi te te i'rẽne na wa za wamama ma hã wasiwi wasu'u ni. E ãne wamhã, tinhimirosawẽrẽ na te te ãma wama uwaimrami za'ra da bâ.

Tawamhã Midiã hawi Ismaeu nhihudu norĩ rowede'wa iwa'waibaba za'ra te te ro'rahâri za'ra wamhã, ma tô Zuzé isisãnawã norĩ hã â zô ab're hawimhã oto siwi waze. Te te siwi wazere wi, ma tô Ismaeu nhihudu norĩ ma siwi wede, ẽtẽ waipo prã prata 20 na isapotore na. Tawamhã Ezitu u, te oto Zuzé hã siwi saprõ.

Tahawa te ãne sima 'mahârâ za'ra: — Õhõta te wei mo, rosawẽrẽ pese 'wa hã.

Tawamhã Zuzé ma tô romhâ ré siwi tisã. Tahawa, 'râwi itẽme wisi za'ra õ ré, ma tô te te sima ãma irowairébé za'ra da hã rosa'rada siwi 'manha, te te siwi wĩrĩ da.

Asiwi wapru pu'u aba tõ. Taré te za ãme rop si 're irosa'wari mono ãma â zô ab're 're, asiwi imei wa'wa, asiwi u'a aba ãna. Ãne ma tô Rubẽ tãma 'ru za'ra. E marĩ wa. Tino tisisãnawã norĩ wi, te te sõ'reptui wa, apâ timama u te te satõrĩ da, te ãne na sima rosa'rata.