Popular Bible Verses from Zenezi 22

Share

Tawamhã Abra'ã taha ẽne hã ma tô sisi, “Uburé Danhib'apito, te za marĩ ibâ na te te dama 're anhomri u'âsi”. Tahawa te ta hawim haré da te ãma 're romnhisi za'ra, ãne: “Uburé Danhib'apito, tite ẽtẽ ãma marĩ ibâ na te te dama 're i'anhomri u'âsi mono” na.

Tawamhã 'Re ihâimana u'âsi mono te ãne tãma tinha: — Misi uptabi ai'ra si'aibâ Izaqui, 're isawi pese mono hã ma'ãpé saprõni, Moria na romnhisi u. Tawamhã tame ẽne te aima ihâi'ré ãma, te za ai'ra unhama na iza, ĩma ãma asõprub da hã.

Tawamhã hâiwa ãma romhuri'wa te tãma tinha ãne: — Tô'ã. 'Watébrémi hã u'a tõ. Iwasédé hã tãma 'manharĩ tõ. Wa tô oto aiwaihu'u, 'Re ihâimana u'âsi mono 're iwazé pese mono na, ai'ra si'aibâ misi nherẽ hã tiwi sawi õ wa.

Tawamhã imama Abra'ã, ma te ãma sada'â ãne asa: — Ĩ'ra, 'Re ihâimana u'âsi mono si te za pone'ẽrebâ 'ra, te tãma izata na ãma tãma ĩnhoprub da hã tisõ. Ãne pari te duré siré tineb zahuré.

Asihudu sidâpâsi ahâ uptabi na 're hâimana za'ra mono da, wa za 'manha, wasi, hâiwa na 're isimasa mono ne, duré pazaihâ na supara 're isimi'wara mono ne. Asihudu norĩ hã te za tinhitob'ru norĩ te, 'ri nho'õmo norĩ ãma te te 're ai'uté za'ra. Asihudu norĩ u'âbâmhã wa za a'uwẽ mono bâ ropâ 're ĩdahâimana za'ra mono iwẽ hã te tãma 're apisutu, a hã te aima iwaihu'uzém na ĩwapari pese wa, ãne hã 'manharĩ wa.

Tawamhã wahu hã duré si'utõrĩ mono pari, 'Re ihâimana u'âsi mono, ma tô Abra'ã hã pibu, sena na te te sina 're umnhasi pese mono zô. Tahawa isisi na te te 'mahârâ wamhã, ma tô ãne sada'â asa: — E marĩ. Ãhãta ãme wa za.

Tane nherẽ, te te sada sarõtõ wi, Uburé Danhib'apito te, hâiwa ãma romhuri'wa, te hâiwa hawi 'mahâ ãne: — Abra'ã. Abra'ã. — E marĩ. Ãhãta wa za. — Ãne ma asa sada'â.

Tawamhã Uburé Danhib'apito te, hâiwa ãma romhuri'wa te duré 'mahâ hâiwa hawi, Abra'ã hã. Te tãma tinha ãne: — Ãne hã 'manharĩ wa, ai'ra si'aibâ misi nherẽ, ĩwi sawi waihu'u õ wa, ĩnhisi na wa za wa hã Uburé Danhib'apito aima ropisutu, iwẽ hã te aima 're apisutu u'âsi mono da.

Tawamhã 'Re ihâimana u'âsi mono, ẽne te te tãma ipisutu u oto simasisi wamhã, ma tô Abra'ã, ẽtẽ za'ra hã 'manha. Duré ẽtẽ nhisi wi, ma tô mi hã sa'ra. Taha pari, ma tô ti'ra Izaqui pa ubumro, te te wapre mono da. Te te wapre mono pari, ma tô mimi za'ra nhisi wi oto tihi.