Popular Bible Verses from Zenezi 18

Share

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Tahawa te sihâ sina ãne 'râwi sima tinha: — E niha wa za ĩnhib'apito ãma te ĩsima rosa'rata ze, wa norĩ hã oto ihire nherẽ, ãhã na hã. Sadai õ di.

Isihudu sidâpâsi ahâ uptabi na 're hâimana za'ra mono wa, te za a'uwẽ misi ãma isitom na dama siptete na 're hâimana za'ra. Ta norĩ u'âbâ wa za uburé a'uwẽ mono bâ iwẽ hã te tãma 're sõmri za'ra, ti'ai mono bâ.

Tawamhã Abra'ã ma tô itẽme sina rotété. Tahawa, te ãne sadanha: — E 're idanomro wasété mono norĩ zu, te za iwẽ norĩ hã isu i'upro. Bété 50 na 'ri nho'õmo 're, dawẽ norĩ dahâimana za'ra wamhã. E tane nherẽ, te za 'ri nho'u hã iré i'uprosi za'ra. E 50 na dawẽ norĩ aima isawi pe ihâimana za'ra zéb zarina, asimihâzé hã bété 'ri nho'õmo ma, ba'a õ di za.

Tawamhã Uburé Danhib'apito, ma te Abra'ãhã ma ãma tãma wa'rã ãne: — Sodoma 're, 50 na 're idanomro wẽ mono na dahâiba te waihu'u wamhã, ta norĩ u'âbâ wa za uburé 'ri nho'õmo 're a'uwẽ norĩ ma tãma ba'a za'ra za, ĩnhimihâzé hã.