Popular Bible Verses from Atu 7

Share

Tawamhã ẽtẽ na te te nasi siwi ahâri ré, ma tô Estewã hã mre, Zezusihi ma. Ãne ma tô sina 'mahâ: — Wanhib'apito Zezusi, ĩpẽ'ẽzani te za ĩwi i'â, ãma atẽme ĩmorĩ da. Tawamhã hi'rãtitõ ma tô nhamra, Estewã hã. Mreme 'rãihâ na ma tô duré tãma mre, ãne: — Wanhib'apito, tiwasédé te te ĩ'ãma 'manharĩ za'ra nherẽ, tãma pisutu za'ra õ di za, rowasédé hã. Tawamhã ãne na mreme pari, ma tô oto dârâ, Estewã hã.

Wa hã hâiwa nhipai ãma, Apito. Ti'ai ãma zama, Apito. Ĩwaihu'u pese wa, wa hã uburé Apito. Ĩwétési uburé marĩ hã te 'manharĩ waihu'u pese di. E niha te za tawamhã ĩnhorõwa hã ĩma i'ri za'ra wa'wa, iwa 're ĩnhamra u'âsi mono zéb da hã. Mare di. 'Re ĩnhamra u'âsi mono zéb da hã ĩma 'ri za'ra wa'aba õ di za.”

Tahawa, tinhib'rata na ma tô tiwi sipo're nhidâ za'ra, dama roti'wa norĩ hã. Asa tãma 're sipari za'ra mono sina, ma tô sô sisãmra, te te siwi âri da. Sa'ẽtẽ te siwi 'mapra, 'ri nho'õmo babarãi u, ẽtẽ na te te siwi wĩrĩ da. Tawamhã ti'uza isisiwimhã, ma tô sada sani za'ra, Estewãhã 'ruiwapari'wa norĩ hã te te nasi siwi ahâri pibui pese da. Saulu na aibâ ipréduptém nhisi 'rata, ma tô ti'uza hã sada sa'ra za'ra, ta hã te te sa 'madâ'â za'ra da.