Popular Bible Verses from Génesis 32

Share

Kuya ga tjl̈ẽ ba kong ga «Pja ko Jacob ame. Pja dbonino Sbö tjok, nopga tjok, ga zanope. E kjĩshko ga pja ko ber Israel shara» l̈e.

Eshko ga domer l̈i tjl̈ẽ ba kong ga «¡Tja rayozong! Kjok shräntoe» l̈e. Kuya ga tjl̈ẽ ba kong ga «Tjl̈õkwo l̈os ber pjl̈ú bor kong. L̇l̇ëm ga pja rayër l̇l̇ëme» l̈e.

E shkëyo ga ba pjeyoga dipzara jek Jaboc diyo kjwo kal̈ëkong, ba l̇l̇ëbo tjeng kës l̈i tjok. Ba boyga do pjök, ba boyga obl̈ë ba parkagaga wl̈eniyo do pjök, ba wapga dogl̈o sak kjwara kjingsho kjl̈ara (11), e iara beno l̈öng di kjwo kal̈ëkong pjir ga Jacob dipzono jek iröng, ga beno sök eshko tjoksa. Eshko ga domer weno shäng ba kong kjl̈ara, ga dbonino ba tjok äär jong shkë jek shrönge.

Eshko ga Jacob tjl̈ẽ ga «Tja, Sbö, tjawa ëng ĩno l̈öng ëng bokshto ëmdë ga tja iara beno sök së» l̈e. E kjĩshko ga kjok eshko kowara beno Peniel.

Miydara ga Jacob zãya ga äshko ga porwara ba kworboshko, ga ba kworbo jöktëng erä.

Kuya ga tjl̈ẽ ba kong ga «Pjae, ¿ko l̇l̇ë?» «Tja ko Jacob» l̈e.

Kuya ga tjl̈ẽ ba kong ga «¿Pja e, ko l̇l̇ë?» «¿Tja ko miydëp woydë l̇l̇ëno?» l̈e ba kong, ga tjl̈ẽno beno pjl̈ú Jacob kong eshko.

Pja wotjl̈ĩk pjl̈ú bor kong wl̈eni ga tja kjimtëp ĩyado. ¿Gueniyo ga shäryëp ega? Jl̈õkoyo ga tja bop parkaga eröe. Jordán diyo jũ zër tek shängshko ga tja wl̈oshko bor kjorkung ëre döe. Era eni tjok ga tja öötong sök parkagaga kjring pjök, öng kjring pjök bakoe.

Porwara ba kworboshko kjĩshko ga öng l̇l̇ë kworbo kjyungyo ue Jacob tjëyo tek beno ba irgo l̈irë ame.

E irgo ga syõshtono Sbö kong. Tjl̈ẽ ga «Sbö, pja bor kjokë Abraham Sbö. Pja bor data Isaac Sbö bakoe. Jehová, pja tjl̈ẽno bor kong ga “Pja nom bop kjokshko iröng obi, bop pjeyoga l̈öngshko. Pja kjimtër l̇l̇ëbo ber pjl̈ú bop kong wl̈o” l̈orop eni.

Bangkjrër l̈i bor shjiy Esaú tek shäng bor zrök, bor boyga, bor wapga zrök bakoe. Tja wl̈ikos, l̇l̇ëbo owa shärye bor kong l̇l̇ëm wl̈o.