Popular Bible Verses from Juan 19

Share

Jesús ja vino tsetseda tsaba putsu, uja puana: —Pamapa apejiji beju. Daja mimipe putsu, beju mesa echua jahueririati putsu, manuana.

Da su beju Jesús bahue puana pamapa beju apejiji. Pamapa Tata Diusu ja tueda tiatana ai cuana apetana. Da su uja puana: —Jaid'itija ema. Daja Jesús puana, cuaja Diusu sa quirica su derejiji yani batame.

Da su Jesús ja mesa cuara bautetana. Mesa discípulo ibuneda di bautetana. Jesús ja tuatse baute putsu, uja mesa cuara atana: —Mama, hue upia mique ebacua puji eneti. Tuahueda mi ebata mique ebacua quitaita pu cua nime. Da su beju mesa discípulo uja atana: —Hue upia mique cuara puji eneti. Baque tueda mique cuara quitaita pu cua nime. Beju da tsine jenetia María anipiruana tueda discípulo sa ete su.

Jesús peje su macha janariatitana huecuana su, tueda manujiji batana huecuana. Da putsu, aimue tusa etidada jarijariatana huecuana mahue. Piada soldado ja Jesús sa atsupa su lanza neje d'acuatana. Beju ami, yahui cuinanana.

Tueda ai cuana daja puana, cuaja uja Diusu sa quirica su derejiji yani batame: “Aimue tusa etsau jarijariatana huecuana mahue.” Pia su derejiji yani uja: “Ed'acuaji cuana ja tueda echamata.”

Da su beju cuinanatana huecuana curusu eti jude Calavera banime murucu su.

Da su junu aquid'aji bauda jenetia corona a putsu, Jesús sa echua su ichatana huecuana tu neje eshishati puji. Daja a putsu beju, Jesús jud'utana huecuana ebiad'amaji idhiria neje.