Popular Bible Verses from Márcu 16

Share

Jadchiy ji̱ta su̱teda Jesús ruuva: “Jirya̱numa jiya ti̱ta̱ju̱ vicha̱diva ripyasa̱ra̱ju̱, jirya̱tidye datyanunumaya̱ rumura samitu̱choda, ti̱ta̱ju̱ nijya̱nvavya.

Rityi ra̱tuva̱chusara ramu, rirya̱jvaacharara mityamusiy jvaayada variy. Rirya̱jatyasara riy bayantuveda nijya̱nvavyasiy ri̱tyamu, rirya̱niquera vadi niquejada, rirya̱ju̱riñi̱ codiy jijyomuju̱ntiy. Riryityi jatura tara diichaja̱, ne rirye̱cha tara ru̱co̱sidye; rirya̱barya jijyomutu jdiva̱jnuvañiy, rirya̱mi̱sa varintyi.”

Ni̱tiy ra̱tuva̱chu ramu, sa̱cha variy jtyanusi̱ risa̱ju̱, ni̱ni̱ ra̱ramityanichara yivara taji vichadeda. Ni̱timyu̱ ne ra̱tuva̱chu ramu, ni̱ni̱ ji̱ta ra̱cha paruti̱si̱ju̱ ru̱co̱sidye.

Sisa̱ datyavay ji̱ta jiya̱da tu̱chunumaya̱vay mucadi su̱tyeryasa̱ra̱ju̱. Nutyityu̱ ji̱ta jvaayada mityijyi ruusa̱, jiryatiy sadityadoda si̱tenura samitu̱choda, mitya ju̱dejadamusiy jiryatiy sivaatyadedara. Daryanuma ra̱chasara ti̱ta̱ju̱.

Jadchiy ji̱ta su̱teda vadero̱nu ruuva: “Ne jirya̱jnutay. Jiryeñi̱day va̱ta sana̱cho̱ Nasaryémusi̱ Jesús, jiryatiy ru̱vaje crusitya̱sani̱. Nu̱tyu sani mi̱sa̱simya̱, tama̱ ti̱jna̱y rañi̱cha jiyunu̱day, tama̱. Ne jiryi̱nu̱jyu̱ú̱, jiyuni̱ riñi bajeñi̱.

Ru̱tatyityiyada ji̱ta nu̱ñi riy yiva: “¿Chi̱ ra̱siichununi̱ ravichu̱ rarorijyu̱musiy bapyo day, chi̱?” Jaryi ja̱mi̱ savicha̱da ravichu̱ daryaju̱. ¡Ru̱nu̱yasubeda ji̱ta variy sana̱cho̱ ravichu̱, siichunusi̱numa variy rarorijyu̱musidyeñi̱! Jadchiy ji̱ta rijeyada ravimu bapyovudi, ridyiñuvejada ji̱ta siva vadero̱nu, sama̱sa̱da rintyityudamyuju̱, ravicha̱da sasujay pupajacya̱. Ru̱nteda jaryi variy.