Popular Bible Verses from TAITO 1

Share

Era kaya ni ra kila na Kalou, ia era sa cakitaki koya ena nodra i tovo. Era sa tamata vakasisila, dau talaidredre ka sega ni rawa me ra cakava rawa e dua na ka vinaka.

Vei ira era yalosavasava sa savasava na ka kecega; ia vei ira sa dukadukali ka tawa vakabauta sa sega ni dua na ka e savasava; sa dukadukali ruarua na nodra vakasama kei na lomadra.

me taura dei na i vakavuvuli dina sa vakatavulici kina ka me rawa kina ni vakatavuvulitaka na i vakavuvuli vinaka ka vakadrukai ira era via vakatanitaka.

Sa dodonu me kakua ni beitaki ena dua na ka o koya e veiliutaki ena lotu me vaka ni sa dauniyau ni Kalou, ka sa sega ni dodonu me qaciqacia se yalototolo se dau mateni se i tovo kaukauwa se kocokoco. Ia sa dodonu ga me tamata dau vakacegui ira na vulagi, me dau vinakata na ka kecega e vinaka, me yalomatua, me yalododonu, yalosavasava ka me dau lewai koya vakavinaka

Na tamata me digitaki me sega ni dua na ka e vakamelei rawa vua, me dua ga na watina me ra tamata vakabauta Vakarisito na luvena, me ra i tovo vinaka ka kakua ni beitaki rawa ena dua na ka.