Popular Bible Verses from ROMA 8

Share

Eda sa kila ni sa cakacaka tiko na Kalou ena veika kecega me ra vinaka kina o ira era sa lomani koya, o ira sa kacivi ira o koya me vaka na lomana.

Ni'u sa vakadinata sara ni na sega tale ni dua na ka me na tawasei keda mai na loloma i Karisito; ena sega ni rawata na mate, se na bula, era na sega ni rawata na agilosi se o ira na daulewa mai lomalagi, se na veika e yaco edaidai se na veika ena yaco mai muri, se na vuravura e cake, se na vuravura e ra. Ena sega sara ni dua na ka me na rawa ni tawasei keda mai na loloma ni Kalou sa mai noda ena vuku i Karisito Jisu na noda Turaga.

Sa vakakina na nona lako mai na Yalo Tabu me mai vukei keda ena noda malumalumu. Ni da sa sega ni kila na i vakarau ni masu e kilikili me da vakayacora. Sa vakamamasu tikoga na Yalo Tabu vua na Kalou ena vukuda ena vutugu sa sega na vosa me vakamacalataka rawa.

Na cava tale me da qai kaya ena veika kece oqo? Kevaka sa noda i to na Kalou o cei ena qai noda meca?

O koya oqo sa sega kina ni wilika na Kalou na nodra cala o ira era sa tu vata kei Karisito Jisu.

Me lewai keda na noda i tovo vakayago sa kena i tinitini na mate; ia me lewai keda na Yalo Tabu sa kena i tinitini na bula kei na vakacegu.

Sega! Ena veika kece oqo eda na qaqa kina ena vuku i koya sa lomani keda.

Au vakasamataka oqo ni veika rarawa eda sota kaya tiko edaidai ena sega ni rawa ni vakatauvatani kei na lagilagi ena qai vakaraitaki vei keda ena gauna mai muri.

O cei me na tawasei keda rawa mai na loloma i Karisito? Na ka rarawa li, se na yaluma, se na dauveivakacacani, se na dausiga, se na luvaiwale, se na dauveivakarerei se na i seleiwau?

Ia na Kalou, o koya sa raica na yalo ni tamata, sa kila na vakasama ni Yalo Tabu; ni sa dau masulaki keda na Yalo Tabu me vaka na ka e vinakata na Kalou.

O ira sa liutaki ira na Yalo ni Kalou era sa luve ni Kalou.

O ira era bula voli me vaka na ka e vinakata na nodra i tovo vakayago era sa vakarorogo ki na ka e gadreva na yagodra, ia o ira era sa bula voli me vaka na ka e vinakata na Yalo Tabu era sa vakarorogo ki na veiliutaki ni Yalo Tabu.

O koya ka a sega ni bureitaka na Luvena dina, ka ni a soli koya ga ena vukuda kece, ena sega li ni solia walega vei keda na ka kecega?

Na Yalo ni Kalou sa semati koya ki na yaloda yadua me vakadinadinataki kina ni da sa luve ni Kalou. Ni da sa luvena, eda na taukena na veivakalougatataki sa maroroya tu o koya me nodra na nona tamata, ka da na taukena vata talega kei Karisito na veika sa maroroya tu na Kalou me baleti koya; ni kevaka eda sa vakaivotavota ena nona vakararawataki na Karisito, eda na vakaivotavota talega ena nona lagilagi.

O koya oqo, sa yaco kina me ra meca ni Kalou na tamata era sa lewai mai na i tovo vakayago; ni ra sa sega ni muria tiko na lawa ni Kalou, ka sa dredre sara me ra talairawarawa kina.

Sa wawa tu ena nanamaki levu na veika buli me vakatakilai ira mai na luvena na Kalou.

Eda sa kila tu me yacova mai na gauna oqo ni ra sa vutugu kece tu na veika buli ena rarawa, io me vaka na rarawa ni vakasucu gone.