Popular Bible Verses from ROMA 2

Share

Ia o iko, na wekaqu, o sa dau vakayacora na veika o vakalewa vei ira na tani! O sa nanuma beka kina ni o na dro bula mai na cudru ni Kalou? Se o sa rairai beca na yalovinaka ni Kalou, kei na nona dauveiciqomi, kei na nona dauvosota vakadede? Io, o iko o sa kila vakavinaka ni sa yalovinaka na Kalou, ka sa nona i naki me tuberi iko mo yaco rawa kina mo veivutuni.

O koya oqo, sa sega kina na nomu i ulubale, o iko na dauveivakalewai, veitalia ga se o cei o iko. Ni o sa vakalewai ira na tani, ka qai cakava tale na veika era sa vakayacora, o sa vakavuna ga vakataki iko na nomu cudruvi.

Ni sega ni dau vakaduiduitaka na tamata na Kalou.

Ni ra na sega ni vakadonui ena mata ni Kalou o ira kecega era sa rogoca na Lawa, era na vakadonui ga o ira era muria na Lawa.

Ni na sauma na Kalou vua na tamata yadua na i sau ni nona i valavala.

Eso era sa nanumi ira ga vakataki ira ka cata na ka e dodonu, me rawa ni ra cakava kina na ka ca. Ia ena sovaraka vei ira na nona cudru waqawaqa na Kalou.

Ia sa kaukauwa ga ka rui dredre na yalomu, ka o sa binia tikoga kina na nomu i totogi me bibi cake sara ena Siga sa na vakaraitaki mai kina na cudru kei na lewa dodonu ni Kalou.