Popular Bible Verses from ROMA 10

Share

Kevaka o na vakatusa e gusumu, ni sa Turaga ko Jisu, ka vakabauta e vu ni yalomu ni sa vakaturi koya cake tale mai na mate na Kalou, o na vakabulai.

Ni sa wilika na Kalou me dodonu na tamata ena vuku ni vakabauta ni yalona, ka sa vakabulai o koya ena vuku ni vakatutusa ni gusuna.

Eda sa kila kina ni sa rawa na vakabauta mai na veika sa rogoci, a veika sa rogoci oqo sa lako mai na vosa i Karisito.

Ni sa kaya na i Vola Tabu, “O koya sa vakabauti koya ena sega ni vakamaduataki.” Oqo eda sa okati kece kina na tamata, ka ni sega na kedra duidui na Jiu kei ira na kai matanitu tani. Sa dua ga na noda Turaga na tamata kecega ka sa vakalougatataki ira vakalevu era sa masu vua. Me vaka sa kaya na i Vola Tabu, “O ira yadua era masuta na yaca ni Turaga era na vakabulai.”

Ena la'ki vunautaki rawa vakaevei na i tukutuku kevaka era sa sega ni talaki o ira na i talai? Me vaka sa volai, “Sa ka lagilagi dina na nodra yaco mai na i talai ni ra kauta voli mai na i Tukutuku Vinaka!”

Ia ena rawa beka vakacava me ra masu vua kevaka era sega ni vakabauta? Era na qai vakabauta rawa vakacava kevaka era se bera ni rogoca na i tukutuku? Era na rogoca rawa li vakacava kevaka e sega ni dua me la'ki vunautaka vei ira na i tukutuku?

Ni sai cavacava ni Lawa na Karisito, me yaco rawa kina vei ira kecega sa vakabauta me ra vakadonui mai vua na Kalou.