Popular Bible Verses from SAME 143

Share

Sa i kemuni ga na noqu Kalou; Ni vakavulici au me'u vakayacora na lomamuni. Mo ni yalovinaka ga vei au, ka tuberi au ena sala dodonu.

Au sa vakanuinui vei kemuni, Ni vakadeitaka vei au ena veimataka lailai ena nomuni loloma tudei. Sa lako cake yani vei kemuni na noqu masu; Ni qai vakaraitaka vei au na sala me'u muria.

Au sa lako mai ki na nomuni veitaqomaki, Jiova; Ni vakabulai au mai vei ira kece na kequ meca.

Ni vakabulai au Jiova me vaka na nomuni vosa ni yalayala; Ni vakabulai au mai na noqu leqa ena nomuni vinaka.

I Jiova, mo ni vakarorogo ki na noqu masu, Ka rogoca na noqu kerekere! Mo ni rogoci au ena nomuni yalododonu kei na lomadina.

I Jiiova, mo ni sauma mai oqo na noqu masu! Sa oti vakadua kece sara na noqu i nuinui! Ni kakua ni vunitaki kemuni vei au, De'u na qai kune ena kedra maliwa era sa lako sobu ki bulu, Io, ki na nodra vuravura na mate.

Au sa qai nanuma na veisiga sa oti yani; Au mani vakasamataka na veika kece o ni a cakava; Ka'u sa nanuma na nomuni cakacaka kecega.