Popular Bible Verses from FILIPAI 4

Share

Ni kakua ni lomaleqataka e dua na ka, ia na ka kece sara o ni vinakata mo ni kerea ga vua na Kalou ena masu kei na vakavinavinaka.

Ia na vakacegu ni Kalou, sa uasivia na kila-ka vakatamata, ena vakataudeitaka na yalomuni kei na lomamuni ena vuku i Karisito Jisu.

Me'u tinia kemuni na wekaqu, ni tugana ena nomuni vakasama na veika kecega e vinaka ka dodonu me vakacaucautaki; o ya na veika e dina, na veika e vakaturaga, na veika e dodonu, na veika e savasava, na veika e totoka ka dau dokai.

Au sa rawa ni sotava na veidraki ni bula kecega ena vuku i Karisito, o koya sa vakaukauwataki au.

Ni reki tikoga ena nomuni sa tu vata kei na Turaga. Au sa kaya tale: ni reki tikoga!

Ia na noqu Kalou ena sotava na nomuni gagadre kecega me vaka ni sa vutuniyau vakalevu sara o koya ena vuku i Karisito Jisu.

Ni vakayacora na veika o ni sa vulica ka raica vei au, o ya mai na veika au sa tukuna kei na veika au sa cakava. Ena qai tiko vata kei kemuni na Kalou sa dauveivakacegui.

Me laurai vei kemuni na i tovo ni rai sa yavutaki ena yalomalumalumu. Sa voleka mai na Turaga.

Au sa kila na bula dravudravua ka'u sa kila talega na bula vutuniyau. Au sa vulica na i walewale ni bula vakacegu ni sotavi na veidraki ni bula duidui eso, se'u viakana se'u mamau, dravudravua se'u vutuniyau.

Au sega talega ni kaya tiko oqo me dusia ni'u gadreva na veivuke; ni'u sa vulica oti me'u ciqoma ga ena yalo vakacegu na veika cava ga sa tu vei au.