Popular Bible Verses from MARIKA 12

Share

A sauma ko Jisu ka kaya, “Sa i koya oqo na i vakaro bibi duadua, ‘Mo ni rogoca na Isireli, na Turaga na noda Kalou, na Turaga sa dua bauga. Mo ni lomana na Turaga na nomuni Kalou ena lomamuni taucoko, kei na yalomuni taucoko, kei na nomuni nanuma kecega, kei na nomuni kaukauwa taucoko.’ Na kena i karua oqo, ‘Mo lomana na kai nomu me vaka o sa lomani iko.’ Sa sega tale ni dua na i vakaro e bibi cake mai vei rau oqo.”

Sa qai kacivi iratou mai na nona tisaipeli ko Jisu, ka kaya vei iratou, “Au sa kaya vakaidina vei kemudou, e levu cake na ka e solia na yada dravudravua o ya mai na ka era solia na kena vo. O ira kece o ya era a soli ka mai na nodra vutuniyau, ia na marama o ya, ena dela ni nona dravudravua, a solia na ka kece sara ga e tu vua, me bula kina.”

Ni dabe volekata tiko na kato ni lavo ni valenisoro ko Jisu, a sa vakaraici ira na lewe vuqa ni ra la'ki biuta kina na nodra i solisoli. Sa ka levu sara na i lavo era solia o ira na tamata vutuniyau. Ia sa qai lako yani e dua na yada dravudravua, ka solia kina e rua na i lavo lalai sara, ka rauta ni dua na pene na kena levu.

ka me da lomani koya ena lomada taucoko, kei na noda vakasama taucoko kei na noda kaukauwa taucoko, ka lomana na kai noda me vakataki keda. Sa bibi cake oqo mai na i soro kama taucoko kei na i soro kecega.”

Sa qai kaya vei ira ko Jisu, “Ni solia vua na Sisa na veika sa nona na Sisa, vua talega na Kalou na veika sa nona na Kalou.” Era sa kurabuitaki koya vakalevu.