Popular Bible Verses from IPERIU 9

Share

Sa vaka talega kina vei Karisito, ni sa vakacabori ga vakadua me kauta laivi na nodra i valavala ca na lewe vuqa. Ena rairai tale mai o koya ena i karua ni gauna, ka sega ni baleta na i valavala ca, ia me mai vakabulai ira ga era sa waraki koya.

Me vaka sa dina sara oqo, sa na levu cake sara vakaidina na ka ena cakava rawa na dra i Karisito! Ni sa soli koya na Karisito me i soro sa vinaka sara vua na Kalou ena vuku ni Yalo Tabu. Na nona dra ena vakasavasavataka na noda lewa-e-loma mai na i valavala makawa sa tawayaga, me da rawa kina ni qarava na Kalou bula.

Ni sa lesi me ra na mate ga vakadua na tamata, ka me qai muri na nodra lewai mai vua na Kalou.

Sa vakadinadinataki mai na Lawa ni sa voleka ni vakasavasavataka na ka kece sara na dra; ni sa bokoci walega na i valavala ca kevaka sa vakadavei na dra.

Oqo na vuna sa yaco kina na Karisito me mata ni kena vakarautaki na veiyalayalati vou, ka me ra ciqoma kina o ira sa kacivi na veivakalougatataki tawamudu sa yalataka na Kalou. Sa rawa ni vakayacori oqo baleta ni sa yaco oti e dua na mate ka sa sereki ira na tamata mai na nodra caka cala, ka yaco oqo ena gauna e se vakabibitaki tiko kina na i matai ni veiyalayalati.