Popular Bible Verses from VAKATEKIVU 50

Share

Dou sa nakita mo dou cakava vei au na ka ca, sa qai veisautaka na Kalou ki na vinaka me maroroi kina na nodra bula e vuqa na tamata, o koya era sa bula tu oqo ena vuku ni ka o ya.

A sa qai kaya vei iratou o Josefa, “Dou kakua ni rere, au na sega ni suguta na nona i tutu na Kalou!

Ia oqo, dou kakua ni rere. Au na maroroi kemudou kei ira na luvemudou.” A sa vakataudeitaki iratou ka vakaceguya na yalodratou.

Dou kaya vei Josefa, ‘Au kerei iko mo vosota na nodratou cala, kei na nodratou ca na tuakamu, baleta ni ratou sa vakalolomataki iko.’ Ia oqo, mo yalo vinaka ka vosota na nodratou cala na tamata ni Kalou i tamamu.” Sa mai tekivu tagi yani o Josefa ni ratou kaya na ka oqo vua.

Sa qai kaya vei ira na tuakana, “Au sa vakarau mate, ia na Kalou ena talevi kemudou ka kauti kemudou tani mai na vanua oqo ki na vanua sa yalataka vei Epara-ama, Aisake kei Jekope.”

A sa qai cakava o Josefa me ratou bubului na luve i Isireli ka kaya, “Ena gauna sa na talevi kemudou tale mai kina na Kalou, dou qai kauta yani na suiqu mai na vanua oqo.”

A sa mate o Josefa mai Ijipita ni sa yacova na 110 na nona yabaki ni bula. Era sa vakarautaka na yagona ena i valavala vaka-Ijipita me maroroi kina vakabalavu na yago ka biuta ena kato ni mate.