Popular Bible Verses from KALATIA 6

Share

Me da kakua kina ni oca ena caka vinaka ni da na tatamusuki ena kena gauna, kevaka eda sega ni datuvu koso.

O koya oqo me da caka vinaka kina vei ira na tamata kecega ena gauna kecega e rawa kina, ka vakauasivi vei ira era lewe ni matavuvale ena vakabauta Vakarisito.

Ni veivuketaka na nomuni i colacola, ka mo ni vakayacora sara kina na i vunau i Karisito.

Mo ni kakua ni vakaisini kemuni; ena sega ni vakalialiai na Kalou. Na ka ga e kaburaka na tamata ena tamusuka sara talega.

Ni kevaka era sa kakaburaki ena nodra i tovo vakayago, era na tamusuka ga na mate; ia kevaka era kakaburaki ena veika ni Yalo Tabu, era na tamusuka na bula tawamudu mai na Yalo Tabu.

Oi kemuni na wekaqu, kevaka sa kunei ni cala e dua na tamata, mo ni vakadodonutaki koya ena yalo malumalumu oi kemuni sa tu vinaka vakayalo. Ia mo ni vakaraici kemuni de o ni mani veretaki talega.

Kevaka e dua e nanuma ni sa bau dua na ka o koya, ia ka sega tu ni bau dua na ka o koya sa vakalialiai koya tikoga vakai koya. Ia me dui lewai koya vakavinaka na tamata yadua; kevaka e vinaka na nona lewa, ena qai rekitaka ga na ka e cakava, ka sega ena ka e cakava na tamata tani. Ka ni na dui colata ga na nona i colacola na tamata yadua.