Popular Bible Verses from VAKARUA 4

Share

Ia kevaka o ni na qai vakasaqarai Jiova na nomuni Kalou mai na veivanua o ya; o ni na kunei koya kevaka o ni vakasaqarai koya ena lomamuni kei na yalomuni taucoko.

Ni sa Kalou dauloloma ko Jiova na nomuni Kalou, ena sega ni laivi kemuni, vakarusai kemuni, se, guilecava na veiyalayalati a cakava kei ira na nomuni qase.

Sa bukawaqa dauveivakarusai ko Jiova na nomuni Kalou, io sa Kalou vuvu.

Mo ni qarauni kemuni vinaka! Mo ni kakua sara ni guilecava na ka sa raica na matamuni, ka kakua ni biuta tani mai na nomuni vakasama ena gauna kece o ni bula kina; ia mo ni vakavulica vei ira na luvemuni kei na makubumuni.

O koya oqo mo ni kila kina edaidai ka kakua sara ni guilecava ni sa Kalou dina ga ko Jiova mai lomalagi e cake kei na vuravura era; ka sega tale e dua.

“Sa sega tale ni dua na matanitu ka veitalia ga na kena levu me dua na nodra kalou me vakataki Jiova na noda Kalou, ni sa dau rogoci keda ena gauna kecega eda kere veivuke kina vua.

Ena gauna ni nomuni rarawa ena yaco vei kemuni na veika oqo sai koya na gauna mo ni lesu kina vei Jiova na nomuni Kalou ka muria na nona vosa.

Ni kakua ni vakuria tale e dua na ka ki na noqu i vakaro vei kemuni, ka kakua ni kauta tani mai kina e dua na ka. Ni talairawarawa ga ki na i vunau i Jiova na nomuni Kalou ka'u sa solia vei kemuni.