Popular Bible Verses from VAKARUA 10

Share

“Ia oqo, mo ni rogoca na Isireli na veika sa vinakata mai vei kemuni ko Jiova na nomuni Kalou. Mo ni rerevaki Jiova ka vakayacora na nona i vakaro kecega. Mo ni lomani Jiova ka qaravi koya ena lomamuni taucoko kei na yalomuni taucoko, ka muria na nona i vunau kei na nona i vakaro au sa vakarota vei kemuni edaidai mo ni vinaka kina.

Ni ko Jiova na nomuni Kalou sai koya na Kalou ni veikalou ka Turaga ni veituraga, na Kalou levu, sa kaukauwa ka qaqa, sa sega ni veivakaduiduitaki ka sega ni taura na i vaqumi.

Ia oqo, mo ni ciliva kina na yalomuni, ka mo ni kakua tale ni vakadrecike tiko.

Sa ia na lewa dodonu ena vukudra na luveniyali kei na yada. Sa lomani ira na vulagi ka solia na kedra kei na nodra i sulu.

Mo ni dau vakalagilagi koya na nomuni Kalou, ka a cakava ena vukumuni na veika lelevu, ka veivakurabuitaki sa raica na matamuni.

Mo ni rerevaki Jiova na nomuni Kalou. Mo ni qaravi koya ka yalodina vua, ka vosa ni yalayala ena vuku ni yacana duadua ga.

E dina ga ni sa nei Jiova na nomuni Kalou na lomalagi kei na lomalagi e cake sara, ka vakakina na vuravura kei na veika kecega sa tu kina

O koya oqo mo ni dau lomani ira talega na vulagi baleta ni o ni a tu vakavulagi talega mai Ijipita.