Popular Bible Verses from Vakatakila 5

Share

Era sa lagata e dua na sere vou vakaoqo: “Sa ganiti kemuni mo ni taura na i vola vivigi Ka cecega na kena drega. Ni kemuni a vakamatei, ka ni o ni sa volia na tamata ena nomuni dra me ra nona na Kalou Mai vei ira kecega na veiyavusa, na duivosavosa, na veimataqali tamata, kei na veimatanitu.

Ka ra laga tiko ena domolevu, “Sa ganita ga na Lami ka sa vakamatei Me nona na qaqa, na i yau, na yalomatua, na kaukauwa Na rokovi, na lagilagi, kei na vakacaucau!”

O ni sa vakayacori ira me ra lewe ni matanitu vakabete sa qarava na noda Kalou, Ka ra na veiliutaki e vuravura.”

Au a qai rogoci ira na veika bula kecega mai lomalagi, e dela ni vuravura, ena ruku i vuravura, kei na loma ni wasawasa — a veika kecega sa cegu rawa — ni ra sa seretaka voli, “Me soli ga vua sa tiko ena i tikotiko vakaturaga kei koya na Lami Na vakamolimoli kei na vakarokoroko, na kaukauwa kei na lagilagi, Ka sega ni mudu!”

Sa qai kaya vei au e dua vei ira na qase, “Kakua ni tagi! Raica! O koya na Laione ni yavusa i Juta, na kawa vakaturaga i Tevita, sa rawata o koya na qaqa, ni sa rawa vua me cecega na drega e vitu ka tevuka na i vola vivigi.”