Popular Bible Verses from Vakatakila 3

Share

Rogoca! Au sa tu ena mata ni katuba ka tukituki; kevaka sa rogoca na domoqu e dua na tamata, ka dolava na katuba, au na curu yani ki loma ka kana vata kei koya, ena kana vata talega kei au o koya.

Au sa kila na veika o sa vakayacora; ka'u sa kila ni o sa sega ni batabata se katakata. Au sa diva ga kina mo a dua ga vei rau, mo batabata ga se mo katakata. Ia me vaka ga ni o sa bula veilaroi vakaoqo, ni o sa sega ni batabata se katakata, au na luaraki iko tani kina mai na gusuqu!

Au sa vunauca ka vakanakuitataki ira ka'u sa lomana. Mo gumatua sara kina ka vuki tani mai na nomu i valavala ca.

Au sa kila na veika o sa vakayacora tiko. Raica, au sa dolava e dua na katuba e matamu ka na sega ni rawa ni dua me na sogota. Au sa kila ni sa vo vakalailai ga na nomu kaukauwa, ia o sa maroroya tikoga na noqu vosa ka sega ni cakitaka na yacaqu.

Vei ira sa rawata na qaqa, au na vakadonuya me ra dabe e yasaqu ena noqu i tikotiko vakaturaga, me vaka ga na noqu sa dabe tiko oqo e yasa i Tamaqu ena nona i tikotiko vakaturaga ena vuku ni qaqa ka'u sa rawata oti.

Ni o sa kaya tiko, ‘Au sa vutuniyau ka'u sa rawati au vakavinaka; sa tu taucoko vei au na ka.’ Ia o sa sega ga ni kila na levu ni nomu vakaloloma kei na veilecayaki! O sa dravudravua ga, ka mataboko, ka luvawale!

Me vaka ni o sa maroroya na noqu vosa mo bula qaqa kina ena vosota, au na maroroi iko vakakina ena gauna ni rarawa sa voleka ni yaco mai oqo ki vuravura taucoko, me vakatovolei na tamata kecega e vuravura.

Sa voleka sara na noqu lesu yani. Taura matua na ka sa tu vei iko, me kakua kina ni dua e kovea na nomu i cocovi ni qaqa.

Mo yadra mai, ka vakaukauwataka na ka e se vo tiko vei iko ni bera ni mate vakadua sara. Au sa kunea ni sa sega ni dua na nomu cakacaka e vakacavari vakavinaka sara ena mata ni noqu Kalou.