Popular Bible Verses from Marika 8

Share

O koya yadua sa via maroroya na nona bula ena vakayalia; ia o koya yadua sa vakayalia na nona bula ena vukuqu kei na vuku ni tukutuku vinaka, ena maroroya.

A cava na kena yaga vua na tamata, me rawati vuravura taucoko, ka vakayalia wale kina na yalona?

Sa qai kacivi ira vata na lewe vuqa kei iratou na nona tisaipeli o Jisu, ka kaya vei ira, “Kevaka e dua sa via muri au, me kakua ni muria na lomana, ia me colata ga na nona kauveilatai ka muri au.

Se cava li ena solia na tamata me i sau ni yalona? Kevaka e dua na tamata sa madualaki au vata kei na noqu vosa ena i tabatamata dauveibutakoci ka i valavala ca oqo, ena madualaki koya talega na Luve ni Tamata ni sa lako mai ena i serau nei Tamana vata kei ira na agilosi yalosavasava.”

Sa qai tarogi iratou, ka kaya, “Ia o cei ga dou kaya oi kemudou ni oi au?” Sa qai sauma vua o Pita, “Sa i kemuni na Mesaia.”