Popular Bible Verses from Maciu 24

Share

Ena kena sa tubu vakalevu na i valavala tawa dodonu, sa na batabata kina na nodra loloma e lewe vuqa. Ia, o koya ena vosota me yacova na i vakataotioti, ena vakabulai.

Ka na vunautaki mada na i Tukutuku Vinaka ni matanitu ki na vuravura taucoko, me i vakadinadina ki na veivanua kecega, sa na qai yaco mai na i vakataotioti.

Dou na rogoca na veivaluvaluti kei na rogorogo ni valu; ia mo dou kakua ni kidroa kina. Sa dodonu me yaco mada oqori, ia e sega ni kena i balebale o ya ni sa yaco mai na i vakataotioti ni gauna.

Era na veivaluvaluti na veivanua kei na veimatanitu, ka na yaco na dausiga kei na uneune ena veivanua kecega. A veika kece oqo sa vaka na i vakatekivu ni ka rarawa sa sotava na yalewa sa voleka ni vakasucu gone.

Ena takali o lomalagi kei vuravura, ia na noqu vosa ena sega ni takali.

Ni ra na lako mai e lewe vuqa ena yacaqu, ka kaya voli, ‘Sa i au na Mesaia,’ ka ra na vakacalai ira e lewe vuqa.

“Era na soli kemudou yani na tamata ki na veivakararawataki ka ra na vakamatei kemudou, dou na cati mai na veivanua ena vuku ni yacaqu. Ka lewe vuqa era na tarabe, ka veibukiveretaki ka veicati. Era na tubu mai e lewe vuqa na parofita vakailasu ka vakacalai ira e lewe vuqa.

Sa qai sauma, ka kaya vei ira, “Dou qarauna me kakua ni vakacalai kemudou e dua.

O koya oqo mo dou tu vakarau talega, ni na yaco mai na Luve ni Tamata ena dua na gauna dou sega ni namaka.

O koya oqo mo dou yadra tiko, ni dou sa sega ni kila na gauna ena yaco mai kina na nomudou Turaga.

“Ia e sega e dua e kila na siga o ya, se na aua o ya, e segai talega o ira na agilosi mai lomalagi, e segai na Luvena, ia o Tamaqu duadua ga.

Ni ra na tubu mai na Mesaia vakailasu kei na parofita vakailasu, ka ra na vakaraitaka mai na veivakatakilakila lelevu kei na veika veivakurabuitaki me vakacalai ira kina na tamata digitaki ni Kalou.

Me vaka ena siga i Noa, ena vaka talega kina na nona lako mai na Luve ni Tamata. Era a kana ka gunu na tamata ena siga eso ni se bera ni yaco na waluvu, ka ia na vakawati kei na veimusumusuki ni vakawati me yacova na siga sa vodo kina ki waqa o Noa; ia era sa sega ga ni kila na veika sa yaco tiko me la'ki yacova ni sa qai yaco mai na waluvu ka luvuci ira kece sara. Ena vaka talega oqo na nona lako mai na Luve ni Tamata.