Popular Bible Verses from Luke 8

Share

Ia o ira ena qele vinaka, sai ira era sa rogoca na vosa, ka ra sa taura matua sara ena lomadina ka vinaka, ka ra sa vuataka mai na vuadra ena nodra dau vosota.

Kei ira ka ra a lutu ena veiwavakavotona, sai ira era sa rogoca na vosa, ia ni ra sa lako tu ena nodra sala era sa vakaruguti ena lomaocaoca kei na i yau kei na veika ni lasa ni bula oqo, ka sa sega ni matua rawa na vuadra.

Kei ira ena dela ni vatu, sai ira era sa rogoca ka vakabauta na vosa ena reki, ia sa sega na wakadra. Era sa vakabauta vakadede vakalailai ga, ia ni sa yaco na veivakatovolei era sa mani bale tale.

Sa qai kaya vei iratou o koya, “Sa evei na nomudou vakabauta?” Ia ratou sa rere ga ka kurabui ka veikayaka vakai iratou, “O cei beka oqo? Ni rau sa bau talairawarawa talega ki na nona i vakaro na cagi kei na wai!”

Na i tei ni sila e tutu ni sala, sai ira era sa rogoca na vosa, sa qai lako mai na tevoro ka kauta laivi na vosa mai na lomadra, me ra kakua kina ni vakabauta ka vakabulai.

Ni sa sega na ka e vunitaki me na sega ni vakaraitaki ena matana levu, ka sega na ka e tabogo me na sega ni kilai se vakavotui.

Ni sa kila na yalewa ni sa sega ni vuni rawa tale, sa qai lako sautaninini yani; a sa cuva e matana, ka tusanaka e matadra na tamata kecega na vuna e tarai koya kina, kei na nona vakabulai vakasauri. Sa qai kaya vua o Jisu, “Na luvequ, sa vakabulai iko na nomu vakabauta; mo lako ena vakacegu.”

E ratou sa qai la'ki vakayadrati koya sara, ka kaya, “Turaga, Turaga, e datou sa leqa!” Sa qai tu cake o koya ka vunauca na cagi kei na biau cudrucudru; a rau sa mani mudu sara, ka mai lutu yani na maravu.