Popular Bible Verses from 2 Tui 2

Share

Ia ni rau yaco yani ki na tai kadua, a kaya vei Ilaisa o Ilaijia, “Mo tukuna mada mai vei au se na cava me'u cakava vei iko ni se bera ni'u kau tani mai vei iko.” A sa kaya o Ilaisa, “Au vakamasuti iko mo vakaruataka vei au na i votavota ni yalo sa tu vei iko.”

E rau a veitalanoa tikoga ni rau lako voli; ia, sa qai vakasauri na kena basika mai ena kedrau maliwa na qiqi bukawaqa sa dreti mai na ose bukawaqa, ka sa kau bulabula cake o Ilaijia ena dua na covulaca.

A sa kaya o Ilaijia, “Sa ka dredre na ka o sa kerea; ia kevaka o na raici au tiko ni'u sa kau tani mai vei iko, ena soli me nomu i votavota; ia kevaka o sega ni raici au, ena sega ni votai vei iko.”

A taura o Ilaisa na i tutuvi i Ilaijia ka a lutu tani mai vua, ka samuta kina na wai, ka kaya, “Sa evei o Jiova, na Kalou i Ilaijia?” Ia ni samuta oti na wai o ya, a tawase rua, ka taubale takoso yani ki tai kadua o Ilaisa.

Ni raica o Ilaisa, a qai qolouvaka, ka kaya, “I tamaqu! I tamaqu! na nodra qiqinivalu na Isireli kei na nodra tamata dauvodo ose!” A sega ni qai raici Ilaijia tale. Ni sa rarawa o koya, sa qai taura na nona i sulu ka dresulaka me rua na tikina.

A taura na nona i tutuvi o Ilaijia, ka lobika, ka samuta kina na wai. A sa tawase rua kina na wai, ki na i matau kei na mawi, ka rau sa taubale takoso ki tai kadua ena qele mamaca.

E rau a lesu tiko mai Kilikali o Ilaijia kei Ilaisa ni donuya na gauna e vakarau kauti Ilaijia cake kina ki lomalagi o Jiova ena dua na covulaca.