Popular Bible Verses from 1 Pita 5

Share

Ni biuta vua na nomuni lomaocaoca kecega, ni sa daunanumi kemuni o koya.

Ia ni sa oti na nomuni vakararawataki, ena qai vakayacori kemuni mo ni vinaka sara ka vakataudeitaki kemuni ka vakaukauwataki kemuni na Kalou dauloloma, o koya sa kacivi kemuni mo ni vakaivotavota ena nona lagilagi tawamudu ena vuku i Karisito.

Ni yalomatua, ni yadra tiko! Sa veilakoyaki voli na nomuni meca na tevoro, me vaka na laione sa tagi ni sa vakasaqara eso me tiloma. Mo ni tudei sara ena nomuni vakabauta ka vorati koya, ni o ni sa kila ni sa yaco tale tikoga na veivakararawataki vakaoqo vei ira na wekamuni e vuravura taucoko.

Ni vakayalomalumalumutaki kemuni kina ena ruku ni liga kaukauwa ni Kalou, ni na vakacerecerei kemuni o koya ena nona gauna taudonu.

Oi kemuni na i tabagone, mo ni vakamalumalumutaki kemuni vakakina vei ira era qase cake vei kemuni. Sa dodonu kina vei kemuni vakayadua mo ni vakaisulutaki ena yalomalumalumu ena vuku ni nomuni veiqaravi vakai kemuni, ni sa volai, “Sa vorati ira sa viavialevu na Kalou, Ia sa lomani ira ga sa yalomalumalumu.”