Popular Bible Verses from 1 Pita 2

Share

Ia sai kemuni na kawatamata digitaki, na matabete vakatui, na matanitu yalosavasava, na matatamata sa taukena na Kalou, mo ni vakaraitaka kina na veika cecere sa vakayacora o koya sa kacivi kemuni mai na butobuto ki na nona rarama veivakurabuitaki.

A sa colata vakai koya o Karisito na noda i valavala ca ki na kauveilatai ena yagona, me rawa kina me da mate ki na i valavala ca ka bula ki na i valavala dodonu. Ia na we ni kena kuita o ni sa vakabulai kina. O ni a vakataki ira tu na sipi sa lako sese, ia oqo o ni sa qai saumaki tale mai ka muri koya na i Vakatawa ka Dauveimaroroi ni yalomuni.

E na dua na gauna, o ni a sega tu kina ni nona tamata na Kalou, ia o ni sa qai nona tamata oqo; ena dua na gauna, o ni a sega tu kina ni kila na yaloveivosoti ni Kalou, ia o ni sa qai ciqoma oqo na nona yaloveivosoti.

Mo ni vakataki ira na gone era se qai sucu, ni ra sa dau karamacataka wasoma na wai ni sucu vakayalo ka savasava, mo ni tubu cake kina ka vakabulai ni sa gunuvi.

Kemuni na wekaqu lomani, au sa vakamasuti kemuni, me vaka ni da sa kai tani ka vulagi ena vuravura oqo! Ni kakua ni vakamalumalumu ki na veigagadre ca ni yagomuni, ni sa dau veivala tikoga kei na yalo na veika oqo. Me vinaka tikoga na nomuni i tovo ena kedra maliwa na tawa lotu, ka veitalia ga kevaka era se beitaki kemuni tikoga ena caka cala. Era na qai vakarokorokotaka ga na Kalou ena Siga ni veilewai ni ra sa sarava na nomuni cakacaka vinaka.

Ni lako mai me vaka o ni sa vatu bula sa vakayagataki ena kena tara na valenisoro vakayalo, ka qarava kina na vakacaboisoro vakayalo sa vinaka vua na Kalou ena vuku i Jisu Karisito, me vaka o ni sa kena matabete yalosavasava.

O koya oqo mo ni qai biuta tani kece kina na veika ca; me sa kua na lasulasu se na veivakaisini, se na veivuvutaki, se na vosa ni veivakacacani.

Ni lako mai vua na Turaga, o koya na vatu bula era a cata na tamata, ia sa digitaki koya ga na Kalou ka dokai koya vakalevu.

Ni bula tiko me vaka na tamata sa sereki, ia me kakua ga ni vakayagataki na nomuni galala me i ubi ni nomuni caka ca; ia mo ni bula tikoga me vaka na tamata bobula ni Kalou.

Ni sa vinakata na Kalou mo ni vagalui ira na tamata yalowai mai na nodra veitalanoa lialia ena veika vinaka o ni vakayacora.