Popular Bible Verses from 1 Joni 3

Share

Kemuni na luvequ lomani, me kakua ni ka ni vosavosa walega se ka ni veitalanoa na noda loloma; ia me yavutaki ga ena loloma dina sa vakaraitaki ena kena cakacakataki.

Eda sa qai kila vakaoqo na i balebale ni loloma: ni sa solia ga na Karisito na nona bula ena vukuda. Sa dodonu talega vakakina me da solia na noda bula ena vukudra na wekada.

Raica na loloma uasivi sa solia vei keda na Tamada! Sa rui cecere sara na nona loloma ni da sa vakatokai me da luve ni Kalou; eda sa vaka dina kina. Oqo na vuna sa sega ni kilai keda kina o vuravura, ni ra sa sega ga ni kila na Kalou.

O koya sa tomana tikoga na i valavala ca sa mai vua na tevoro, baleta ni sa kitaka ga na i valavala ca na tevoro mai na i vakatekivu ni gauna. Oqo ga na vuna sa rairai mai kina na Luve ni Kalou, me vakarusa na cakacaka ni tevoro.

Sa sega ni dua vei ira sa yaco me ra luve ni Kalou me tomana tikoga na bula ni valavala ca, ni sa tiko vei ira na i tovo ni Kalou. Me vaka ni sa Tamadra na Kalou, sa sega ni ra kitaka tikoga kina na i valavala ca.

O ira vakayadua sa tu vei ira na i yau ni vuravura oqo, ka ra sa raici ira na wekadra ni ra leqa tu, ka sega ni lomana, sa sega ni rawa ga me ra tukuna voli ni ra sa lomana na Kalou.

O ira kece sa muria tiko na i vakaro ni Kalou era sa bula ga vua na Kalou ka sa tiko vata kei ira na Kalou. Ia ena vuku ni Yalo Tabu sa solia vei keda na Kalou, eda sa kila kina ni sa bula tiko vata kei keda na Kalou.

Sa vakatakilai vinaka ena ka oqo na kena duidui o ira na luve ni Kalou mai vei ira na luve ni tevoro: o koya sa sega ni vakayacora na ka dodonu ka sega ni lomana na wekana sa sega ni luve ni Kalou.

Sa i koya oqo na i tukutuku o ni a rogoca mai na i vakatekivu: me da veilomani vakaveiwekani.

Ni kakua ni kurabui, kemuni na wekaqu, kevaka sa cati kemuni o ira na kai vuravura.