1
Romanos 12:2
Diossen joi jatíxonbi onanti joi
Ja nato netemea jonibo ikai keskatiribi, moa jayamakanwe. Jaskáyamaikaya, moa bená shinanbo akáx, wetsaresibii jakanwe. Jatianparira maton onantiki, jaskara maton atin Dios keenaibo. Ja iki jakon ati, jawen keenshaman iti, itan senen iti.
Compare
Explore Romanos 12:2
2
Romanos 12:1
Ebé joi akaibó, noibataanan mato Diossen jakonhaabo iketianra, en mato yoiai. Ja jiriabi jawéki Dios meniti keskáakin, jatiobi maton yora Dios menikanwe, jawe ochaomabi itan ja Dios keenai keskáshamankin. Jaskaraxon riki, non akonkin Dios rabiti.
Explore Romanos 12:1
3
Romanos 12:12
Non Ibon manatax, raroshamanres jakanwe; masá tenei onitsapikinbi koshi shinanyaxon tenekanwe; jawetianbi orankin jeneyamakanwe.
Explore Romanos 12:12
4
Romanos 12:21
Jakonma jawékibaonra miaaresnake koiranmeewe, jakon jawékibores akinkaya ja jakonma jawékibo minhareswe.
Explore Romanos 12:21
5
Romanos 12:10
Joi akaibo ikax, iti keskatikaya noianankanwe. Wetsabopariakin shinankanwe, itan jakonires oinhanankanwe.
Explore Romanos 12:10
6
Romanos 12:9
Akonkin wetsabo noikanwe; jakonmaa jawékibo jenetaanan, jakon jawékibores akanwe.
Explore Romanos 12:9
7
Romanos 12:18
Maton atipana senen, jaskatax jatíbibo betan jakonax jati benakanwe.
Explore Romanos 12:18
8
Romanos 12:19
Jakonmaakana, matonbi jato kópikasi iamakanwe, ebé joi akaibó, Diossen mekemanreskaya jenekanwe. Wishá meranra ikai non Ibo neskati: “Ea riki jan jato kopíxonai, ja akana keskáakinribira en jato onitsapimatiki”, iki.
Explore Romanos 12:19
9
Romanos 12:11
Koirameekainxon, chikishamakin, rayáshaman shinanyaxonres, non Ibon tee axonkanwe.
Explore Romanos 12:11
10
Romanos 12:3
Diossenra jakon shinanya ixon, jawen raana joni ea imaa iki. Jakopíra en mato yoiai, jaskarairanixmabi bebonhira kikinman matonbinix shinanmeeyamakanwe. Jaskayamakinkaya, ja ikonhaketian, mato Diossen jawen onan shinan menia betan senenresibi jakonhakinres shinankanwe.
Explore Romanos 12:3
11
Romanos 12:17
Mato jakonmaakana, kopikin jato jakonmaayamakanwe, jatíbi jato jakonhatireskaya shinankanwe.
Explore Romanos 12:17
12
Romanos 12:16
Senenbires wetsabo betan shinanmeeti jakanwe, rabitaibo iamakanwe; ja rabitinin shinanmeeyamaibo keskatiribi ikanwe; matonbinix jatíbi jawéki onannaton shinanmeeyamakanwe.
Explore Romanos 12:16
13
Romanos 12:20
Jaskara iken, ja min rawí pikasaitian, pimawe; nomiaitian xeamawe, min jaskáara ikonbiresi rabinti iki.
Explore Romanos 12:20
14
Romanos 12:14-15
Jan mato ramiakaibo, jakonmaa itiakin shinanxonyamakanwe, jakon ikantiakinreskaya jato Dios yokáxonkanwe. Ja raroaibo betan rarokanwe; ja masá shinanni winiaibo betan winikanwe.
Explore Romanos 12:14-15
15
Romanos 12:13
Ja joi akaibo maxkata ointaanan, jato akinkanwe; matoiba merákanketian, jakonhaxon jato bikanwe.
Explore Romanos 12:13
16
Romanos 12:4-5
Non yora iki icha mebia, ikaxbi jatíxonbi ja teebires ayamai. Jaskáribi riki noa. Ikaxbira noa westíora yorabicho keská iki, Cristo ikonhaibo ikax. Jaskatira ikai noa akinnanani, westíora yorabicho keská itaanan.
Explore Romanos 12:4-5
Home
Bible
Plans
Videos